VOV4.Xơ Đăng - Kơxo lơ 22/1, Kăn pơkuâ ngăn Tíu xiâm Đảng, Kăn pơkuâ Vi ƀan Séa ngăn Tơnêi têa Trần Cẩm Tú hiăng troh pôu kơ-êng, hbru tơmeăm Têt a kong pơlê kơpong a ‘ngêi Lào Cai.

VOV4.Xơ Đăng - Khu kan săt rak tơniăn troăng klông ƀă rơxế kơtâu Dak Lak thăm tơplâ mơdât, châ hlo, pơxâu phâk mâu ngế ki xôi luât a mâu troăng kân; mơdât mâu kế tơmeăm ki mơdât, tơmeăm ki rôe ing kong têa ê ôh tá tro luât.

VOV4.Xơ Đăng - Klêi kơ’nâi 2 hơnăm pêi pro pơkâ dêi Ngế pro xiâm hnê ngăn Chin phuh ‘na “Tơdroăng tơkêa bro chêl liăn ôh tá xúa liăn mâ’’, nôkố tơdroăng chêl liăn ƀă điê̆n tưh hiăng hmâ châ pêi pro hên ƀă kuăn pơlê a Dak Lak.

VOV4. Xơ Đăng - Mâu hâi hiăng hluâ, a kơpong tơkăng kong Đức Cơ, kong pơlê Gia Lai, tơkŭm po tơdroăng ‘’Têt tơkŭm dêi pó – Rơnó Hơngui tŏng kum dêi pó’’. A kố, kăn ƀô̆, mô đô̆i ƀă kŏng nhân gâk kring tơkăng kong dêi Ƀinh đoân 15 hiăng rơtế Kuăn pơlê kơpong tơkăng kong tơkŭm po hneăng tơ’noăng kơxuô kơƀăn, trâm mâ mơhno khôi túa lĕm tro ƀă diâp kơxuô tơmeăm ăm mơngế pêi cheăng, rơpŏng ai hnoăng tơnêi têa, ngế ki kuăn pơlê loi tơngah.

VOV4. Xơ Đăng - Kơxê lơ 21/1, a pơlê kong kơdrâm Cam Ranh, kong pơlê Khánh Hòa, pôa Nguyễn Khắc Định, Kăn phŏ hnê ngăn Kuô̆k hô̆i rơtế khu râ kăn pêi cheăng troh lăm pôu, rơkâu Têt kăn ƀô̆, mô đô̆i Lưh đoân 146, Kơpong 4 – Khu lêng gâk kring têa kơxĭ.

VOV4.Xơ Đăng - A pơlê kong kơdrâm Hà Tiên, mơ’nui măng tĭng hdrối, Kăn xiâm hnê ngăn tơnêi têa Võ Văn Thưởng veăng hôp “Rơnó hơngui tíu tơkăng kong tơtô kuăn pơlê’’ hơnăm 2024, xua Khu xiâm pơkuâ ngăn lêng gak tơkăng kong ƀă Vi ƀan kong pơlê Kiên Giang tơrŭm tơkŭm po.

VOV4.Xơ Đăng - Klêi kơ’nâi mơgêi lăm pôu pêi cheăng  a kong têa Hungary, Ngế pro xiâm hnê ngăn tơnêi têa Phạm Minh Chính ƀă kơdrâi pôa rơtế ƀă mâu kăn xiâm Việt Nam hiăng troh a pơlê kong xiâm Bucharest, pơxiâm lăm pôu Rumania tiô tơdroăng krếo thế dêi Ngế pro xiâm hnê ngăn  dêi Romania Ion- Marcel Ciolacu.

VOV4.Xơ Đăng - Kơxo hâi lơ 19/1 (tiô chôu kong têa ê), tung roh lăm pôu pêi cheăng păng ‘nâng kong têa Hungary, Ngế pro xiâm hnê ngăn Chin phuh Phạm Minh Chính hiăng trâm mâ tơpui tơno ƀă Kăn xiâm pơkuâ kong têa Hungary jâ Katalin Novak.

VOV4.Xơ Đăng - Tung roh lăm pôu, rơkâu Têt Giáp Thìn 2024 a tơring rơlố Trường Sa, kong pơlê Khánh Hòa, Khu râ kăn pêi cheăng Kơpong 4 Khu lêng gâk kring têa kơxĭ tơkŭm po Leh tơbâ mâu ngoh khên tơnôu hlâ tung tơplâ xâ drêng pêi hnoăng cheăng gâk kring rơlố Gạc Ma.

VOV4.Xơ Đăng - Kơxê hâi lơ 19/1, a Hà Nội, khu xiâm kŏng an ƀă Khu xiâm ngăn hnê hriâm ƀă hnê mơjiâng tuăn ngôa rơkê tơkŭm po leh kĭ tơdroăng tơrŭm ‘na mơdêk hnê tối, hnê ‘na luât hbrâ mơdât ma tŭi tung mâu hngêi trung pơla hơnăm 2024-2030.