VOV4.Xơ Đăng - Rôh hbrâ tơdah Têt Lo hơnăm nếo Giáp Thìn 2024, kơxo hâi lơ 19/1, teăng mâ Đảng, Tơnêi têa, Kăn xiâm hnê ngăn tơnêi têa Võ Văn Thưởng lăm pôu, rơkâu Têt, hbru tơmeăm ăm mâu ngế ai hnoăng, rơpŏng hngêi ai hnoăng ki kơtiê, rơpŏng kơtiê, kŏng nhân pêi cheăng a tơring Trà Ôn, kong pơlê Vĩnh Long; rơkâu Têt mâu ki tiêo khôp Pâ Xeăng a kơpong ngăn tơdroăng Khôp Vĩnh Long.

VOV4.Xơ Đăng - Tung pơla lăm pôu pêi cheăng păng ‘nâng a kong têa Huangary dêi Ngế pro xiâm hnê ngăn Chin phuh Phạm Minh Chính, klêi kơ’nâi leh koh tơdah ki kân krip, Ngế pro xiâm hnê ngăn Chin phuh Phạm Minh Chính hiăng ai roh trâm mâ hnối tơpui tơno ƀă Ngế pro xiâm hnê ngăn kong têa Hungary Viktor Orbán.

VOV4.Xơ Đăng - Ngế pro xiâm phŏ hnê ngăn Chin phuh Trần Hồng Hà nếo kĭ Pơkâ tơdroăng Pơkâ kong pơlê Quảng Nam pơla hơnăm 2021-2030, ƀă tơdroăng vâ pêi troh hơnăm 2050.

VOV4.Xơ Đăng - Tơdroăng tí tăng rah mơngế lo lăm pêi cheăng a kong têa vâi ê cho môi tung mâu troăng hơlâ ki tơƀrê vâ tăng cheăng pêi, mơdêk pêi lo liăn, rak tơniăn tơdroăng rêh ối ƀă kơdroh kơtiê tơniăn ton. Hlo ‘nâi nhên tơdroăng kố, mâu hơnăm achê kố, kong pơlê Dak Lak hiăng pơkâ pêi pro hên troăng hơlâ vâ thăm mơdêk tơdroăng tí tăng rah mơngế lo lăm pêi cheăng.

VOV4.Xơ Đăng - Kơxo lơ 18/1 (tiô chô a kong têa vâi) Ngế pro xiâm hnê ngăn Chin phuh Phạm Minh Chính ƀă kơdrâi pôa rơtế khu râ kăn xiâm Việt Nam hiăng troh pơlê kong xiâm Budapest, pơxiâm lăm pôu pêi cheăng kong têa Hungary sap ing hâi lơ 18 troh hâi lơ 20/1/2024 tiô rơkong krếo thế dêi Ngế pro xiâm hnê ngăn kong têa Hungary Viktor Orbán.

VOV4.Xơ Đăng - Kơxê hâi lơ 18/1, a tíu pêi cheăng kăn xiâm hnê ngăn, Kăn xiâm hnê ngăn tơnêi têa Võ Văn Thưởng hiăng trâm mâ 50 ngế pêi cheăng kơhnâ rơkê teăng mâ ăm mâu ngế ki pêi cheăng kơhnâ rơkê tung hơnăm 2023 tung tơdroăng “Pêi cheăng lĕm” dêi Rơ’jíu - Um tơvi Việt Nam.

VOV4.Xơ Đăng - Klăng roh veăng Hneăng hôp tiah hmâ rêm hơnăm roh má 54 dêi Hneăng hôp tơpui cheăng kâ lâp plâi tơnêi a Davos, Swiss, Ngế pro xiâm hnê ngăn tơnêi têa Phạm Minh Chính hiăng ai roh trâm mâ ƀă Kăn xiâm pơkuâ WTO jâ Okonjo-Iweala.

VOV4.Xơ Đăng - Kơ’nâi 2 hâi tơdế pêi cheăng thâ, kơtăng, tiô khoa hok, môi tuăn, rôh hôp ôh tá xê tiah hmâ má 5, Kuô̆k hô̆i hneăng 15 hiăng pê klêi tâi tâng tơdroăng pơkâ.

VOV4.Xơ Đăng - Kơxo lơ 18/01, Kuô̆k hô̆i hôp mơgêi rôh hôp ôh tá xê tiah hmâ roh má 3. Kuô̆k hô̆i têk kŏng tiâ vâ tơbleăng mâu tơdroăng ki kal.

VOV4.Xơ Đăng - Kơxê lơ 17/1, a Davos, Swiss, Ngế pro xiâm hnê ngăn Chin phuh Phạm Minh Chính hiăng ai roh trâm mâ pơla péa pâ ƀă hên khu tơrŭm cheăng ki kal.