VOV4.Xơ Đăng - Klăng leh tơbâ 93 hơnăm mơjiâng Đoân Droh rơtăm Kŏng san Hồ Chí Minh ƀă Khế Droh rơtăm 2024, kơxê lơ 25/3, a Tíu pêi cheăng Kăn xiâm, jâ Võ Thị Ánh Xuân, Teăng hnoăng Kăn xiâm hnê ngăn tơnêi têa trâm mâ Khu râ kăn teăng mâ Khu tê mơdró hơnăm ối nếo Việt Nam.

VOV4.Xơ Đăng - Kơxê hâi lơ 25/3, a tíu pêi cheăng Xiâm Đảng, jâ Trương Thị Mai, Ngế pơkuâ khu tơrŭm cheăng xiâm tơnêi têa hiăng tơdah pôa Jussi Halla-Aho - Kăn xiâm hnê ngăn Kuô̆k hô̆i Phần Lan drêng rôh lăm pôu Việt Nam.

VOV4.Xơ Đăng - Kơxê măng hâi lơ 25/3, hên kơpong a 8/10 tơring, pơlê kong kơdrâm dêi kong pơlê Kon Tum ai kong mêi. Kố cho kong mêi ôh tá tro rơnó pơla rôh kong tô ó .

VOV4.Xơ Đăng - Khu rơxông ối nếo Dak Lak pơkâ hnoăng cheăng ki xiâm kô pơkâ mơjiâng 27 km On bâ troăng tơkăng kong a mâu troăng lăm, troăng pơtrui kơpong tíu tơkăng kong Dak Lak tung hơnăm kố. Rêm tơneăm tâp hdró tơkăng kong châ krâ on bâ, ti xê to kum ăm to kăn ƀô̆, mô đô̆i tơ’lêi hlâu tâ tung roh lăm pơtrui, mê ối vâ mơnhên hnoăng pơkuâ ngăn ki krih dêi Tơnêi têa.

VOV4.Xơ Đăng - Kơxo lơ 25/3, a Hà Nội hiăng pơxiâm po Rôh hôp lâp tơnêi têa mơgêi hnoăng cheăng Hô̆i đong hnê ngăn mâu kong pơlê, pơlê kong kân ối tung Tơnêi têa hơnăm 2023 ƀă tơbleăng túa pơkâ hnoăng cheăng hơnăm 2024.

VOV4.Xơ Đăng - Kơxo lơ 25/3, a Hngêi Kuô̆k hô̆i, pôa Vương Đình Huệ, Kăn cheăng tung Khu xiâm kal kí, Kăn xiâm hnê ngăn Kuô̆k hô̆i pơkuâ Leh tơdah păng ‘nâng pôa Jussi Halla-Aho, Kăn xiâm hnê ngăn Kuô̆k hô̆i Kŏng hoa Phần Lan klăng roh lăm pôu pêi cheăng Việt Nam.

VOV4.Xơ Đăng - Kơxo lơ 25/3, a Tíu pêi cheăng Chin phuh, pôa Phạm Minh Chính, Ngế pro xiâm hnê ngăn tơnêi têa pơkuâ po rôh hôp Chin phuh ‘na mơjiâng luât khế 3 hơnăm 2024 vâ ăm rơkong tơpui tối tung 03 kơxop mơ-éa luât, 01 tơdroăng pơkâ mơjiâng tơdroăng cheăng dêi Kuô̆k hô̆i ƀă 01 tơdroăng pơkâ thế mơjiâng luât.

VOV4.Xơ Đăng - Tung mâu tơdroăng cheăng pêi vâ troh hâi leh tơbâ 20 hơnăm hâi mơjiâng Vi ban hnê ngăn Kuăn pơlê kong pơlê Dak Nông hiăng tơkŭm po hôp tơbleăng pơkâ kong pơlê pơla hơnăm 2021-2030 ƀă ‘no liăn mơjiâng tơmeăm khoăng.

VOV4.Xơ Đăng - Kơxê hâi lơ 24/3, pôa Phạm Minh Chính - Ngế pro xiâm hnê ngăn Chin phuh pêi cheăng ƀă Khu kăn Đảng kong pơlê Tiền Giang ‘na tơdroăng pêi pro mâu pơkâ cheăng mơnhông cheăng kâ rêh ối; tơbleăng troăng  rơhlâ pêi cheăng tung la ngiâ, tơleăng mơnhên mâu tơdroăng săm tối pâ thế dêi kong pơlê.

VOV4.Xơ Đăng - Drêng rôh lăm pêi dêi hnoăng cheăng veăng a leh tơbâ 20 hơnăm vêh mơjiâng kong pơlê ƀă diâp Mê dái Tơniăn krê ối Má môi ăm kong pơlê Dak Nông, hâi lơ 24/3, pôa Vương Đình Huệ, Kăn xiâm hnê ngăn Kuô̆k hô̆i pôu rơpŏng Nôu Việt Nam Khên tơnôu a pơlê kong kơdrâm Gia Nghĩa.