VOV4.Xơ Đăng - Kơmăng lơ 22/3, a Hà Tĩnh, Khu xiâm pơkuâ Đoân Droh rơtăm tơkŭm po tơdroăng Leh tơbâ 93 hơnăm hâi mơjiâng Đoân droh rơtăm Kŏng san Hồ CHí Minh ƀă diâp Pri Lý Tự Trọng hơnăm 2024. Veăng tơdroăng ai pôa Trần Hồng Hà, Ngế pro xiâm phŏ hnê ngăn tơnêi têa.

VOV4.Xơ Đăng - Leh tơbâ 20 hơnăm Hâi vêh mơjiâng kong pơlê Dak Nông ƀă tơdah mê dái Tơniăn krê ối má môi kô tơkŭm po a kơmăng kố (23/3) a kơpong Rơlố ki đông, long têa Tíu xiâm pơlê kong kơdrâm Gia Nghĩa.

VOV4.Xơ Đăng - Kơxo hâi lơ 22/3, Tíu xiâm Khu ngăn kuăn pơlê pêi chiâk deăng Việt Nam tơkŭm po hôp mơ’no tơdrêng tiô troăng hyôh Internet tung lâp tơnêi têa hnê, tơbleăng pêi tơdroăng Pơkâ kơxô̆ 46 dêi Khu xiâm kal kí ‘na pơ’lêh nếo, mơdêk tơƀrê tung tơdroăng cheăng dêi Khu ngăn kuăn pơlê pêi chiâk deăng Việt Nam.

VOV4.Xơ Đăng - Ki pơxúa tung pêi chiâk deăng dêi kong pơlê châ lối 34.300 rơtal liăn, tâk luâ 14 hdroh ki kơnía tung pêi chiâk châ 103 rơtuh liăn 1ha, tâk 90 rơtuh liăn tâng vâ pơchông ƀă hơnăm 2024. Pêi chiâk mơnhông tơƀrê hiăng kum Dak Nông hluăn ing kong pơlê kơtiê xơpá ƀă dế mơ-ăm vâ chiâng kong pơlê ki mơnhông dêi kơpong Tây Nguyên.

VOV4.Xơ Đăng - Kơxo lơ 21/3, a pơlê kong kơdrâm Nha Trang tơkŭm po Hneăng hôp trâm mâ Khánh Hòa – Indonesia hơnăm 2024.

VOV4.Xơ Đăng - Kơxo hâi lơ 21/3, pôa Phạm Minh Chính - Ngế pro xiâm hnê ngăn tơnêi têa pêi cheăng ƀă khu mơdró dêi Hô̆i đong mơdró kâ Mih - ASEAN  lăm pôu ƀă pêi cheăng a Việt Nam.

VOV4.Xơ Đăng – Tây Nguyên dế tung rơnó tôu mơdrăng khăng khoăng, kơdró têa a mâu têa kroăng, têa plông dế xiâ ó, ai mâu tíu ki ‘nâ hiăng xiâ tâi. Kơvâ ngăn ‘na chiâk deăng mâu cheăm, tơring dế rơtế ƀă kuăn pơlê pêi pro rĕng tơbleăng mâu troăng rak vế tơniăn, tơƀrê ăm tơdroăng ki pêt tơmeăm. Ngế chêh hlá tơbeăng cheăng tung Rơ’jíu Việt Nam a kơpong Tây Nguyên ai chêh tối ‘na tơdroăng mê.

VOV4.Xơ Đăng - Nôkố hiăng mot tung rơnó tô khăng khoăng a Dak Lak, tơdroăng kal vâ xúa têa ô hum rôh jiếo dêi kuăn pơlê tâk hên. Tíu xiâm Têa krúa ƀă Mơgrúa kong prâi thôn pơlê kong pơlê dế hbrâ têa, tơmeăm vâ tơniăn xing xoăng têa tơniăn, kơdroh iâ má môi ‘na ôh tá bê têa ôu hum rôh jiếo dêi kuăn pơlê.

VOV4.Xơ Đăng - ­Tơdroăng tơkêa bro troăng kân Hồ Chí Minh troăng ví peăng mâ hâi lo pơlê kong kơdrâm Ƀuôn Ma Thuột hiăng châ Khu xiâm pơkuâ troăng prôk ƀă rơxế kơtâu tơ’nôm lối 330 rơtal liăn vâ tăng tơnêi laga tơdroăng ki tăng tơnêi xuân hrá. Séa ngăn inhên tơdroăng tơkêa bro, Kăn hnê ngăn Vi ƀan kong pơlê Dak Lak hiăng pơkâ mâu kơ koan, tíu cheăng ki tơdjâk thăm mơdêk hnoăng cheăng.

VOV4.Xơ Đăng - Jâ Võ Thị Ánh Xuân, Kăn xiâm phŏ hnê ngăn tơnêi têa pôu râng hnoăng pro Kăn xiâm hnê ngăn tơnêi têa Kŏng hòa xah hô̆i chuh ngiah Việt Nam ing hâi lơ 21/3/2024 tá troh Kuô̆k hô̆i pôk kăn xiâm hnê ngăn tơnêi têa ki nếo ah.