VOV4.Xơ Đăng - Pơtối pêi pro tơdroăng hriâm tâp ƀă pêi tiô troăng tơdjâ, hiâm mơno Hồ Chí Minh tung kăn ƀô̆, đảng viên, khế 3 hơnăm 2023, Khu pơkuâ hnê ngăn Đảng pơlê kong krâm Ƀuôn Hồ, kong pơlê Dak Lak hiăng pêi pro tơdroăng ‘’Phĭu kơdĭng liăn Búa Liềm vàng’’, vâ kum mâu đảng viên ki pá puât ai tơdroăng rêh ối chía tơniăn tung pơlê kong krâm. Ing mê, mơjiâng hiâm mơno vâi chiâng kơdo mơ-eăm vâ tơniăn tung cheăng kâ - rêh ối, kơdroh ki pá puât.

VOV4.Xơ Đăng - Kơxo lơ 29/10, pôa Phạm Minh Chính, Ngế pro xiâm hnê ngăn Chin phuh, Kăn pơkuâ hnê mơhno hbrâ mơdât pơreăng COVID-19 (Khu hnê mơhno) pơkuâ Hneăng hôp Mơgêi tơdroăng hbrâ, mơdât pơreăng COVID-19. Hneăng hôp châ tơdjêp mơ’no tơdrêng tung um tiô troăng măng ing tíu mơ’no hyôh Tíu pêi cheăng Chin phuh troh 63 kong pơlê, pơlê kong kơdrâm ối tung Tơnêi têa.

VOV4.Xơ Đăng -  Kơxê hâi lơ 29/10 ai vâ chê 1 rơpâu ngế hok tro a pơlê kong kơdrâm Plei Ku kong pơlê Gia Lai hiăng veăng tơ’noăng “Mơnúa hriăn plĕng tơdroăng ki nếo hnê pro tơniăn a troăng prôk”.

VOV4.Xơ Đăng - A pơlê kong kơdrâm Hạ Long, kong pơlê Quảng Ninh tơkŭm po Leh tơbâ 60 hơnăm Hâi mơjiâng kong pơlê Quảng Ninh (30/10/1963- 30/10/2023) ƀă tơdroăng pơxá “Púi vâ mơjiâng kong pơlê Quảng Ninh tiô túa, kro mơdrŏng lĕm ro, tơniăn tiô túa nếo”.

VOV4.Xơ Đăng - 3.Kuô̆k hô̆i  tơpui a hngêi hôp kân ‘na tơdroăng tơbleăng pêi mâu pơkâ dêi Kuô̆k hô̆i ‘na mâu tơdroăng pơkâ dêi tơnêi têa tung mơjiâng thôn pơlê nếo pơla hơnăm 2021- 2025, xăm kơtiê krá tơniăn ton pơla hơnăm 2021-2025, mơnhông cheăng kâ rêh ối kơpong kuăn ngo ƀă kong ngo pơla hơnăm 2021-2030..

VOV4.Xơ Đăng - Tung pơla mơnhông mơdêk ó rơdêi dêi tê mơdró tơmeăm tung điê̆n tưh, tê tơmeăm tiô hên troăng hơlâ tung măng hiăng chiâng hnoăng cheăng xiâm. Kố châ ngăn cho roh ki vâ ăm mâu ngế ki pơxiâm mơjiâng tơdroăng cheăng châ tơrŭm tê tơmeăm ăm kuăn pơlê ƀă hnối mơjiâng inâi tơmeăm khoăng. Ki păng ‘nâng, hên khu mơdró kâ ki pơxiâm mơjiâng tơdroăng cheăng a kong pơlê Dak Lak hiăng rah xo ki lĕm tro dêi roh kố vâ mơnhông.

VOV4.Xơ Đăng - Peăng xêi hâi lơ 27/10, pôa Phạm Minh Chính, Ngế pro xiâm hnê ngăn tơnêi têa hiăng tơdah pôa Mathias Cormann, Kăn xiâm chêh tôm xo rơkong Tơrŭm - Mơnhông cheăng kâ, drêng pôa lăm Hôp Khu xiâm OECD-Đông Nam Á ƀă mâu tơdroăng cheăng ối tung Khu kăn xiâm hnê ngăn Tơdroăng cheăng Đông Nam Á, dó inâi SEARP dêi OECD hơnăm 2023 châ tơkŭm po roh má péa pơtối a Hà Nội.

VOV4.Xơ Đăng - Hâi lơ 27/10, a Hngêi Kuô̆k hô̆i, pôa Vương Đình Huệ, Kăn xiâm hnê ngăn Kuô̆k hô̆i tơdah pôa Chey Tae Won, Kăn xiâm hnê ngăn Grup SK a Việt Nam.

VOV4.Xơ Đăng - Hâi lơ 27/10, a kong pơlê Quảng Trị, Khu xiâm pơkuâ ngăn lêng tơkŭm po hôp tơpui khoa hok pơxá: Đại tướng Đoàn Khuê - Ngế kŏng sản khên tơnôu, ngế kăn pơkuâ, hnê mơhno rơkê dêi Khu lêng Việt Nam, ngế kuăn ki rơkê tŭm tơdroăng dêi pơlê xiâm Quảng Ngãi”.

VOV4.Xơ Đăng - Kơxo lơ 27/10, a Pơlê kong kân Hồ Chí Minh hiăng po Măng tĭng kế tơmeăm OCOP ƀă kế tơmeăm ki xiâm mâu kơpong.