VOV4.Xơ Đăng – Tiêuh đoân Hnê pơtâp – Cơ đô̆ng, Khu pơkuâ Mố đô̆i gâk tơkăng kong dêi kong pơlê Dak Lak hdrối nah cho Đăi đô̆i 9 Kŏng an Kuăn pơlê ngăn ‘na kring vế, gak ngăn dêi kong pơlê, châ mơjiâng a hâi lơ 30/7/1977. Hnoăng cheăng xiâm dêi tíu pêi cheăng kố cho hnê pơtâp ăm mâu lêng ki nếo, hnê pơtâp ăm mâu lêng ki hbrâ mơhnhôk ƀă cơ đô̆ng hbrâ rơnáu tơplâ. Tung plâ vâ chê 50 hơnăm, tíu pêi cheăng kố đi đo pêi klêi rơkê khât hnoăng cheăng, hnê pơtâp ăm mâu lêng ki nếo rơkê, pơcháu ăm Mô đô̆i gâk tơkăng kong mâu kong pơlê Dak Lak, Gia Lai, Kon Tum, Dak Nông, Khánh Hòa, Bình Định ƀă Quảng Ngãi.

VOV4.Xơ Đăng - Kơxo hâi lơ 7/3 (tiô chôu kong têa), pôa Anthony Albanese, Ngế pro xiâm hnê ngăn Australia ƀă kơdrâi pôa hiăng pơkuâ po leh tơdah pôa Phạm Minh Chính, Ngế pro xiâm hnê ngăn tơnêi têa pin prế kơdrâi pôa rơtế ƀă khu kăn xiâm Việt Nam pôu păng ‘nâng Australia ing hâi lơ 7 troh hâi lơ 9/3.

VOV4.Xơ Đăng - Drêng tơbâ hâi vâi kơdrâi lâp plâi tơnêi 8/3, kơxo lơ 6/3, jâ Võ Thị Ánh Xuân - Kăn xiâm phŏ hnê ngăn tơnêi têa ai rôh trâm mâ mâu vâi kơdrâi cho kăn teăng mâ, ngế xiâm pơkuâ khu teăng mâ mâu khu tơrŭm lâp plâi tơnêi a Việt Nam ƀă pôu ngăn mâu tíu xối tơbâ ton nah a pơlê Đồng Kỵ, Từ Sơn, Bắc Ninh.

VOV4.Xơ Đăng - Hâi lơ 6/3, Vi ƀan tơring Lăk, kong pơlê Dak Lak tơkŭm po Leh tơbleăng Pơkâ dêi Ngế pro xiâm hnê ngăn Chin phuh, mơnhên cheăm Nam Ka cho cheăm tơniăn dêi tơnêi têa tung rơxông tơplâ xâ Pơhlăng ƀă tơtrâ Mih.

VOV4.Xơ Đăng - Hdrối tơdroăng ki kong tô khăng khoăng, ôh tá bê têa tôh ăm loăng plâi rơnó xeăng tô a mâu khế mơ’nui rơnó tô, kơvâ pêi chiâk deăng kong pơlê Kon Tum nôkố dế thăm pơkuâ kơnhŏng têa a mâu rơchôa ƀă mơ’no têa, xúa têa khoa hok, kơdĭng vâ tăng têa tôh ăm loăng plâi.

VOV4.Xơ Đăng - Kơxo lơ 6/3, Kăn xiâm hnê ngăn Vi ƀan xiâm Măt trâ̆n Tơnêi têa Việt Nam Đỗ Văn Chiến rơtế ƀă khu kăn ki pêi dêi hnoăng cheăng hiăng ai rôh pêi cheăng ƀă Khu pơkuâ ngăn Đảng Điện Biên ‘na túa pơkâ tơrŭm mơgêi pêi pro tơdroăng pơkâ mơhnhôk tŏng kum bro hngêi ối Tơrŭm kân ăm rơpŏng kơtiê tơmiât troh Tơbâ 70 hơnăm Ƀlêi trâng Điện Biên Phủ; Túa pơkâ tơkŭm pêi cheăng ôu eăng, pâ mơnê mâu ngế ki hiăng hlâ drêng veăng tung rôh tơplâ Điện Biên Phủ a Điện Biên.

VOV4.Xơ Đăng - Kơxo lơ 6/3, a Hngêi hơdruê kân Hà Nội po Leh diâp inâi Nghệ  sĩ Nhân dân, Nghệ sĩ Ưu tú rôh má 10.

VOV4.Xơ Đăng - Kơxo hâi lơ 6/3 tiô chôu tơnêi têa, Ngế pro xiâm hnê ngăn Phạm Minh Chính veăng hôp mâu kăn xiâm drêng troh tơbâ 50 hơnăm tơrŭm cheăng pơla ASEAN - Australia aMelbourne, Australia.

VOV4.Xơ Đăng - Kong pơlê Kon Tum ai lối 292 km troăng tơkăng kong ki tơdjêp ƀă kong têa Lếo prế Kul. Ƀă hiâm mơno “Đông cho hngêi, tơkăng kong cho pơlê cheăm, kuăn pơlê mâu hdroâng kuăn ngo cho nhŏng o môi klêa moi kliâm”, mê khu lêng Gak tíu tơkăng kong dêi kong pơlê Kon Tum hiăng ai hên tơdroăng cheăng ki tơƀrê khât, nhên khât, tơrŭm pơla khu lêng ƀă kuăn pơlê a tíu tơkăng kong. Ing tơdroăng rơtế tơrŭm, veăng kum dêi kăn ƀô̆, mâu ngế mô đô̆i gak tơkăng kong, mê tơdroăng rêh kâ ối dêi kuăn pơlê a tíu tơkăng kong dêi kong pơlê Kon Tum dế rế hía rế châ mơnhông, ‘’gak kring tung hiâm mơno” thăm krá kâk, tơniăn lĕm.

VOV4.Xơ Đăng - Klăng roh veăng Hneăng hôp Khu râ kăn xiâm ki má môi leh tơbâ 50 hơnăm tơrŭm cheăng ASEAN - Australia, lăm pôu păng ‘nâng kong têa Australia, a pơlê kong kân Melbourne, Ngế pro xiâm hnê ngăn Chin phuh Phạm Minh Chính hiăng veăng leh tơbâ 30 hơnăm troăng kơneăng tơdrăng Việt Nam – Australia ƀă tíu hdró Vietnam Airlines pơto 6 rơtuh roh tơmối a troăng kơneăng Việt Nam – Australia.