VOV4.Xơ Đăng - Hâi lơ 14/12, Vi ƀan hnê ngăn kong pơlê Lâm Đồng ăm phêp rơxế kơtâu a môi tíu troăng văng Prenn ai ki xŏn 3km tơdjêp a troăng prôk lăm sap ing tíu xiâm pơlê kong kơdrâm troh pái hơlâ troăng mot tung kơpong ôm hyô tơnêi têa long Tuyền Lâm.

VOV4.Xơ Đăng - Châ tơdroăng ki môi tuăn dêi Kăn pơkuâ rêm râ, hâi lơ 14/12, a kơpong tơkăng kong tơdjuôm pái tơnêi têa Việt Nam – Lếo – Kul a pơlê kong kơdrâm Kon Tum, kong pơlê Kon Tum po tơdroăng trâm mâ tơrŭm tơroâ tơdroăng lêng gâk kring tơkăng kong Việt Nam – Lếo – Kul rôh má môi râ ngế xiâm pơkuâ ngăn lêng.

VOV4.Xơ Đăng - Drêng troh Măng tĭng kân Pâ Xeăng chu chiâng kuăn mơngế 2023 ƀă hbrâ tơdah hơnăm 2024, kơxo lơ 14/12, Kăn xiâm hnê ngăn tơnêi têa Võ Văn Thưởng teăng mâ kăn pơkuâ Đảng, Tơnêi têa troh pôu, hbru tơmeăm, rơkâu Tổng Giáo phận Huế.

VOV4.Xơ Đăng - A tíu pêi cheăng xiâm Chin phuh, Ngế pro xiâm phŏ hnê ngăn tơnêi têa Trần Lưu Quang hiăng tơdah Ngế xiâm ngăn pơkuâ tơdroăng nếo ai hyôh rơ’jÍu, Túa lĕm tro ƀă Ôm hyô Lếo Suansavanh Viyaketh dế pôu pêi cheăng a Việt Nam drêng troh Măng tĭng Túa lĕm tro Lếo a Việt Nam hơnăm 2023.

VOV4.Xơ Đăng - Kơxo lơ 15/12, a Hà Nội, Khu ngăn tơdroăng tơ’noăng – khĕn kơdeăn Tơnêi têa tơkŭm po tơdroăng gala trâm mâ, tơpui tơno mâu ngế ki kơhnâ rơkê tung tơdroăng tơ’noăng “Xua vâ kum mâu kơtiê – Ôh tá lôi bố pa rŏng” hơnăm 2023.

VOV4.Xơ Đăng - Tung rôh lăm pôu pêi cheăng a tơnêi têa pin, kơxê hâi lơ 13/12 a Hà Nội, Kăn xiâm pơkuâ hnê ngăn Đảng Nguyễn Phú Trọng rơtế ƀă kơdrâi pôa ƀă Kăn xiâm pơkuâ hnê ngăn Đảng, Kăn xiâm hnê ngăn kong têa Sinuâ Tập Cận Bình rơtế ƀă kơdrâi pôa veăng hôp trâm mâ hlối tơpui tơno ƀă mâu ngế ki rơkê tơrŭm cheăng, rơxông nếo 2 tơnêi têa Việt Nam - Sinuâ.

VOV4.Xơ Đăng - Hâi lơ 13/12, a Tíu pêi cheăng Kăn xiâm hnê ngăn tơnêi têa, Kăn xiâm hnê ngăn tơnêi têa Võ Văn Thưởng hiăng tơpui tơno ƀă Kăn xiâm pơkuâ hnê ngăn Đảng Kŏng san Sinuâ, Kăn xiâm hnê ngăn kong têa Sinuâ Tập Cận Bình.

VOV4.Xơ Đăng - Hâi lơ 13/12, a Ƀơrô Vi ƀan kong pơlê Bà Rịa Vũng Tàu, Ngế pro xiâm phŏ hnê ngăn Chin phuh Trần Lưu Quang pơkuâ hôp rôh má 8 Khu hnê mơhno dêi tơnêi têa ‘na hbrâ mơdât tơnăng ká ki ôh tá tro luât, ôh tá tá vâ tơbleăng hdrối ƀă ôh tá vâ pêi pro tro tiô pơkâ (IUU).

VOV4.Xơ Đăng - Hâi lơ 13/12 rôh hôp má 7, Hô̆i đong hnê ngăn kong pơlê Dak Nông hneăng má 4, hneăng hơnăm 2021-2026 hiăng po rôh kơ êng ƀă tiâ mơnhên, hên tơdroăng ki kal hiăng châ tơpui a rôh kơ êng kố.

VOV4.Xơ Đăng - Kăn xiâm pơkuâ hnê ngăn Đảng, Kăn xiâm hnê ngăn kong têa Sinuâ Tập Cận Bình troh pleăng reăng ƀă mot ngăn tíu ‘măn poăng pôa Hồ Chí Minh.