VOV4.Xơ Đăng -  Vi ƀan hnê ngăn kong pơlê Dak Lak nếo mơhnhôk rôh tơ’noăng ki kân vâ koh tơbâ  120 hơnăm Hâi mơjiâng kong pơlê ƀă pơxiâm Tơ’noăng tăng ‘nâi plĕng mâu tơdroăng tung pơla 120 honăm mơjiâng, mơnhông tơƀrê kong pơlê Dak Lak.

VOV4.Xơ Đăng - Drêng troh tơbâ 114 hơnăm hâi vâi kơdrâi lâp plâi tơnêi lơ 8/3, kơxê hâi lơ 7/3, a tíu pêi cheăng Chin phuh, Kăn pơkuâ hnê ngăn Đảng, Ngế pro xiâm phŏ hnê ngăn Chin phuh Lê Minh Khái trâm mâ rơkâu kăn teăng mâ vâi kơdrâi ki rơkê kơhnâ ƀă hlối diâp pri Kovalefskaia hơnăm 2023.

VOV4.Xơ Đăng - Kơxê hâi lơ 7/3, a hngêi Kuô̆k hô̆i, pơlê kong xiâm Canberra, Australia,  Ngế pro xiâm hnê ngăn Chin phuh Phạm Minh Chính hiăng hôp tơpui tơno ƀă Kăn xiâm hnê ngăn kuô̆k hô̆i râ má môi  Australia, jâ ( Xu-lai) Sue Lines .

VOV4.Xơ Đăng - Klăng hâi lâp plâi tơnêi vâi kơdrâi 8/3 ƀă xông tơplâ xâ Hai Bà Trưng, kơxê măng hnah (7/3) a Hngêi Kuô̆k hô̆i, Kăn xiâm hnê ngăn Kuô̆k hô̆i Vương Đình Huệ trâm mâ kơdrâi Kăn teăng mâ Kuô̆k hô̆i pêi cheăng a râ xiâm Tơnêi têa ƀă kơdrâi pro Kăn hnê mơhno, pơkuâ râ tơdroăng cheăng dêi Ƀơrô Kuô̆k hô̆i, Kơ koan xiâm hriăn plĕng luât.

VOV4.Xơ Đăng - Tung pơla kố nah, Kŏng an kong pơlê Lâm Đồng hiăng pơxâu phâk rơpâu ngế xôi, chôa ‘lâng mơjiâng tơdroăng ki hmâ hiăng ôu drôu ƀiêr ôh tá vê rơxế kơtâu drô troăng klông tung pơlê pơla.

VOV4.Xơ Đăng - A pơlê kong kơdrâm Kon Tum, Khu râ kăn pêi cheăng dêi Đảng ủy khu tê mơdró tơnêi têa tơkŭm po Hneăng hôp séa ngăn tơdroăng mơjiâng Đảng 5 hơnăm 2020 – 2025 ƀă pêi pro pơkâ tơrŭm cheăng pơla Đảng ủy Grup cheăng kâ, Kŏng ti xiâm, Hngêi arak liăn tê mơdró Tơnêi têa ƀă khu râ kăn pơkuâ hnê ngăn cheăng Đảng pơlê kong kơdrâm tiô pơkâ kơxô̆ 61 dêi Khu pơkuâ hnê ngăn cheăng Đảng.

VOV4.Xơ Đăng - Tung tơdroăng lăm pôu pêi cheăng kong têa Australia, kơxê lơ 7/3 tiô chôu tơnêi têa pin, pôa Phạm Minh Chính, Ngế pro xiâm hnê ngăn Chin phuh hiăng tơdah jâ Sharon Claydon, Kăn xiâm phŏ hnê ngăn Kuô̆k hô̆i râ má péa, Kăn xiâm hnê ngăn Khu kăn Kuô̆k hô̆i râ má môi nhŏng o Australia – Việt Nam ƀă mâu kăn Kuô̆k hô̆i.

VOV4.Xơ Đăng - Kơxo hâi lơ 7/3, klêi leh tơdah kân krip a Hngêi Kuô̆k hô̆i, pôa Phạm Minh Chính, Ngế pro xiâm hnê ngăn tơnêi têa hiăng hôp tơpui tơno hên tơdroăng ƀă pôa Anthony Albanese, Ngế pro xiâm hnê ngăn kong têa Australia.

VOV4.Xơ Đăng – Tiêuh đoân Hnê pơtâp – Cơ đô̆ng, Khu pơkuâ Mố đô̆i gâk tơkăng kong dêi kong pơlê Dak Lak hdrối nah cho Đăi đô̆i 9 Kŏng an Kuăn pơlê ngăn ‘na kring vế, gak ngăn dêi kong pơlê, châ mơjiâng a hâi lơ 30/7/1977. Hnoăng cheăng xiâm dêi tíu pêi cheăng kố cho hnê pơtâp ăm mâu lêng ki nếo, hnê pơtâp ăm mâu lêng ki hbrâ mơhnhôk ƀă cơ đô̆ng hbrâ rơnáu tơplâ. Tung plâ vâ chê 50 hơnăm, tíu pêi cheăng kố đi đo pêi klêi rơkê khât hnoăng cheăng, hnê pơtâp ăm mâu lêng ki nếo rơkê, pơcháu ăm Mô đô̆i gâk tơkăng kong mâu kong pơlê Dak Lak, Gia Lai, Kon Tum, Dak Nông, Khánh Hòa, Bình Định ƀă Quảng Ngãi.

VOV4.Xơ Đăng - Kơxo hâi lơ 7/3 (tiô chôu kong têa), pôa Anthony Albanese, Ngế pro xiâm hnê ngăn Australia ƀă kơdrâi pôa hiăng pơkuâ po leh tơdah pôa Phạm Minh Chính, Ngế pro xiâm hnê ngăn tơnêi têa pin prế kơdrâi pôa rơtế ƀă khu kăn xiâm Việt Nam pôu păng ‘nâng Australia ing hâi lơ 7 troh hâi lơ 9/3.