VOV4.Xơ Đăng - Tung rôh lăm pêi cheăng, veăng Hôp mâu kăn xiâm tơbâ 50 hơnăm tơrŭm cheăng ASEAN - Nhuk, hâi lơ 17/12, Ngế pro xiâm hnê ngăn Chin phuh Phạm Minh Chính hiăng ai rôh trâm mâ Kăn xiâm pơkuâ mâu kong pơlê, pơlê kong kân dêi Nhuk.

VOV4.Xơ Đăng - Lăm pôu pê cheăng a kong pơlê Gunma, Ngế pro xiâm hnê ngăn Chin phuh Phạm Minh Chính tối ăm ‘nâi, pôa hâk mơnâ ó khât ƀă mâu hnoăng mơnhông cheăng kâ dêi kong pơlê kố, cho tíu ki môi tung mâu tíu xiâm mơnhông pêi cheăng kâ cheăng kơmăi kơmok kân má môi dêi kong têa Nhuk.

VOV4.Xơ Đăng - Kơxê hâi lơ 15/12, a tíu pêi cheăng dêi Kăn xiâm hnê ngăn tơnêi têa Võ Văn Thưởng trâm mâ, khĕn kơdeăn mâu ngế ki rơkê dêi pơlê kong kân Cần Thơ.

VOV4.Xơ Đăng - Peăng xêi hâi lơ 15/12, a Hà Nội, Kăn xiâm hnê ngăn Kuô̆k hô̆i Vương Đình Huệ hiăng lăm pôu pêi cheăng ƀă Khu xiâm ngăn cheăng kơmăi kơmok lêng.

VOV4.Xơ Đăng - Kơxê hâi lơ 15/12, a pơlê kong kơdrâm Kon Tum, Vi ƀan kong pơlê Kon Tum tơkŭm po hôp trâm mâ mâu ƀok yah ngăn ‘na tơdroăng khôp Pâ Xeăng hơnăm 2023.

VOV4.Xơ Đăng - Rôh lăm tăng rup mơngế ki ai xôi vâ rak tơniăn tung rôh kố châ Kŏng an kong pơlê Dak Lak tơbleăng pêi sap hâi lơ 15/12/2023 troh tâi hâi lơ 29/2/2024.

VOV4.Xơ Đăng - Tung rôh Trâm mâ tơpui tơno Tơrŭm tơrôa pơla Khu xiâm pơkuâ ngăn lêng tơkăng kong pái tơnêi têa Việt Nam - Lếo- Kul rôh má môi, kơxê hâi lơ 14/12, a pơlê kong kơdrâm Kon Tum, kong pơlê Kon Tum po hneăng trâm mâ tiah hmâ rêm hơnăm pơla Khu xiâm pơkuâ ngăn lêng tơkăng kong pái tơnêi têa ƀă hlối Leh kĭ mâu hlá mơ-éa tơrŭm cheăng.

VOV4.Xơ Đăng - Kơxo hâi lơ 15/12, Ngế pro xiâm hnê ngăn Chin phuh Phạm Minh Chính  pơkuâ djâ khu kăn xiâm Việt Nam lăm veăng hôp mâu râ kăn xiâm drêng troh leh tơbâ 50 hơnăm tơrŭm cheăng  ASEAN - Nhuk ƀă pêi mâu tơdroăng cheăng pơla péa pâ a Nhuk sap hâi lơ 15 troh lơ 18/12/2023.

VOV4.Xơ Đăng - Kơxê hâi lơ 14/12, Kăn xiâm hnê ngăn tơnêi têa Võ Văn Thưởng hiăng tơdah Kăn xiâm phŏ pơkuâ kong têa Kŏng hoa Nam Phi Paul Mashatile troh koh hmât klăng roh lăm pôu pêi cheăng Việt Nam sap hâi lơ 12 – 15/12/2023.

VOV4.Xơ Đăng - Kơxo lơ 14/12, Khu xiâm pơkuâ hnê hriâm ƀă Hnê mơjiâng tuăn ngôa rơkê tơkŭm po Hneăng hôp mơgêi 10 hơnăm pêi pro pơkâ kơxô̆ 29 hơnăm 2013 dêi Khu xiâm pơkuâ Đảng hneăng má 11 ‘na ‘’Pơ’lêh nếo ki xiâm, tâi tâng hnê hriâm ƀă hnê mơjiâng tuăn ngôa rơkê, tơxâng pơkâ kơmăi kơmok, tiô rơxông nếo tung tơdroăng cheăng kâ kơchơ mơdró mơnhên la ngiâ tiô troăng xah hô̆i chuh ngiah ƀă mot tơrŭm lâp plâi tơnêi’’.