VOV4.Xơ Đăng - Hâi lơ 20/3/2024, a tíu pêi cheăng Xiâm Đảng, Khu kăn xiâm Đảng hneăng 13 hiăng hôp séa ngăn, ăm hnê tối ‘na tơdroăng thế pơtê cheăng pro Kăn xiâm hnê ngăn, thế pơtê cheăng ƀă pôa Võ Văn Thưởng - Ngế cheăng tung Khu xiâm kal kí, Ngế cheăng tung Khu kăn xiâm Đảng hneăng 13, Kăn xiâm hnê ngăn tơnêi têa Kŏng hòa xah hô̆i chuh ngiah Việt Nam, Kăn xiâm hnê ngăn Hô̆i đong lêng ƀă kring tơniăn hneăng 2021-2026.

VOV4.Xơ Đăng - Kơxê lơ 20/3, pôa Phạm Minh Chính, Ngế pro xiâm hnê ngăn tơnêi têa hiăng tơdah pôa Karthik Rammohan, Kăn phŏ hnê ngăn râ xiâm Grup pơkuâ Lam Research (Mih) ƀă teăng mâ Kŏng ti Seojin (Hàn Quốc).

VOV4.Xơ Đăng - Khu xiâm ngăn mâu tơdroăng cheăng pêi nếo pơkâ tơkŭm po tơdroăng Ngế pro xiâm hnê ngăn Chin phuh trâm mâ ƀă hlối tơpui tơno ƀă mâu droh rơtăm hơnăm 2024, drêng troh leh tơbâ 93 hơnăm Hâi mơjiâng Đoân Droh rơtăm Kŏng sản Hồ Chí Minh (26/3/1931 - 26/3/2024).

VOV4.Xơ Đăng - Pơlê kong kơdrâm Ƀuôn Ma Thuột mơ-eăm pê klêi ƀă ăm xúa mâu tơmeăm khoăng pro ki kal tung khế 11 hơnăm kố, klăng troh leh tơbâ 120 hơnăm hâi mơjiâng kong pơlê Dak Lak.

VO4.Xơ Đăng - Pôa Trần Hồng Hà, Ngế pro xiâm phŏ hnê ngăn tơnêi têa nếo po rôh hôp xo rơkong tơpui ‘na kơxop hla mơéa “Tơdroăng cheăng tung la ngiâ mơnhông hnê hriâm troh hơnăm 2030, troăng ngăn troh hơnăm 2034”.

VOV4.Xơ Đăng - Pơla hdrối kố nah, khu kăn pêi hnoăng cheăng dêi Chin phuh xua pôa Bùi Thanh Sơn, Ngế cheăng tung tíu xiâm Đảng, Ngế xiâm tơpui kâ pro ngế xiâm pơkuâ djâ khu kăn hiăng pêi cheăng ƀă kong pơlê Gia Lai. Tơdroăng pêi cheăng tơdjâk troh pêi pro tê mơdró, ‘no liăn cheăng mơjiâng tơmeăm khoăng ƀă tê rôe kế tơmeăm kong têa ê tung kong pơlê; mơdêk tê kế tơmeăm ăm kong têa ƀă tơbleăng um méa dêi kong pơlê.

VOV4.Xơ Đăng - Kơxê hâi lơ 19/3, pôa Phạm Minh chính - Ngế pro xiâm hnê ngăn tơnêi têa tơdah kăn teăng mâ Lếo ƀă kăn teăng mâ Hàn Quốc drêng troh rôh 2 ngế kăn teăng mâ tơdah pêi dêi hnoăng cheăng a Việt Nam.

VOV4.Xơ Đăng - Kơxê hâi lơ 19/3, pôa Trần Lưu Quang - Ngế pro xiâm phŏ hnê ngăn tơnêi têa tơdah pôa Chang Won-sam - Kăn xiâm hnê ngăn Kơ koan tơrŭm cheăng lâp plâi tơnêi Hàn Quốc (KOICA) dế pôu pêi cheăng a Việt Nam.  

VOV4.Xơ Đăng - Kơxê hâi lơ 19/3, Khu kăn Đảng kong pơlê Kon Tum tơkŭm po Hôp tối mơgêi tơdroăng cheăng mơjiâng Đảng hơnăm 2020-2025 ƀă  tối mơgêi 15 hơnăm pêi pro tiô luât Đảng 2011-2025.

VOV4.Xơ Đăng - Kơxo lơ 19/3, a Hà Nội, pôa Phạm Minh Chính, Ngế pro xiâm hnê ngăn Chin phuh pơkuâ Hneăng hôp trâm mâ mâu khu tê mơdró ai kơxô̆ liăn mơ’no cheăng tơdrêng a kong têa ê FDI ƀă Hôp tơpui tơno khu tê mơdró Việt Nam tiah hmâ rêm hơnăm 2024 (VBF 2024), ƀă dó inâi ‘’Khu tê mơdró FDI djâ troăng ahdrối pêi pro troăng pêi cheăng ton xŏn tơtêk hôm’’.