VOV4.Xơ Đăng - Kơxo lơ 19/3, a Hngêi Kuô̆k hô̆i po Rôh hôp tơbleăng Pơkâ kơxô̆ 969 dêi Vi ƀan pơkuâ Kuô̆k hô̆i hnê mơhno tơdroăng tơkŭm po tơpui tối leăng a rôh hôp Hô̆i đong hdroâng kuăn ngo, Vi ƀan dêi Kuô̆k hô̆i.

VOV4.Xơ Đăng - Hâi lơ 18/3, a Tíu pêi cheăng Chin phuh, pôa Phạm Minh Chính Kăn xiâm hnê ngăn Chin phuh hiăng tơdah pôa Bakhtiyor Saidov - Ngế xiâm tơpui kâ kong têa Uzbekistan dế lăm pôu Việt Nam sap hâi lơ 17- 19/3/2024.

 VOV4.Xơ Đăng - Hâi lơ 19/3, Vi ƀan pơkuâ Kuô̆k hô̆i tơkŭm po Rôh hôp tơbleăng Pơkâ 969 dêi Vi ƀan pơkuâ Kuô̆k hô̆i Hneăng 15 hnê mơhno tơdroăng tơkŭm pêi cheăng tơpui tối leăng a rôh hôp Hô̆i đong Hdroâng kuăn ngo, Vi ƀan pơkuâ Kuô̆k hô̆i.

VOV4.Xơ Đăng - Hâi lơ 18/3, a Hà Nội, Thươ̆ng tươ̆ng Lương Tam Quang, Ngế cheăng tung Khu xiâm Đảng, Ngế xiâm phŏ Kŏng an hiăng tơdah Khu Kăn xiâm ngăn mơdró kâ Hô̆i đong Tê mơdró Mih-ASEAN (USABC) dế lăm pôu pêi cheăng a Việt Nam.

VOV4.Xơ Đăng - Kơxo lơ 18/3, a Hà Nội, pôa Vương Đình Huệ, Kăn xiâm hnê ngăn Kuô̆k hô̆i pơkuâ po ƀă tơpui pơxiâm po Rôh kơ-êng ƀă tiâ mơnhên a Rôh hôp má 31 dêi Vi ƀan pơkuâ Kuô̆k hô̆i ‘na tơdroăng ối tung kơvâ liăn ngân.

VOV4.Xơ Đăng - Hơnăm 2024, kong pơlê Dak Nông châ vêh mơjiâng sap ing 6 tơring peăng hdroh dêi kong pơlê Dak Lak (ton nah). 20 hơnăm kơ’nâi, Dak Nông hiăng hluăn tung kong pơlê kơtiê. Pro chiâng châ tơƀrê mê kơnôm ai mâu tơdroăng veăng kum dêi mâu đảng viên, krâ pơlê, mâu ngế ki kuăn pơlê loi tơngah tung pơlê pơla hdroâng kuăn ngo, veăng kum pơlê rak tơniăn hnoăng gak kring kal kí, mơnhông cheăng kâ - rêh ối pơlê pơla. Kong pơlê Dak Nông xuân hiăng ai mâu troăng pêi pơtối mơnhông hnoăng dêi mâu ngế ki kuăn pơlê loi tơngah tung kơpong hdroâng kuăn ngo, kum mơhnhôk ivá rơdêi tâi tâng pêi pro pơkâ mơ-eăm mơnhông chiâng kong pơlê hôm dêi kơpong Tây Nguyên.

VOV4.Xơ Đăng - Pơtối tơdroăng Roh hôp má 31, hâi lơ 18/3, Vi ƀan pơkuâ Kuô̆k hô̆i tơkŭm po tơdroăng kơ-êng ƀă tiâ rơkong kơ-êng. Pôa Hồ Đức Phớc, Ngế xiâm pơkuâ liăn ngân ƀă pôa Bùi Thanh Sơn, Ngế xiâm tơpui kâ kô tiâ rơkong kơ-êng 2 khu tơdroăng ối tung kơvâ liăn ngân ƀă tơpui kâ ƀă kong têa ê.

VOV4.Xơ Đăng - Troh rơnó tô mơdrăng, a kong pơlê Dak Nông hiăng ai 11 rôh on chếo kong. Hlo ki rơ-iô tô mơdrăng ó tơ’lêi on chếo, khu râ pơkuâ cheăng hiăng mơdêk hnoăng cheăng pêi pro hbrâ mơdât on chếo. 

VOV4.Xơ Đăng - Pôa Nguyễn Thái Học, kăn phŏ hnê ngăn khu kăn Xiâm châ Khu xiâm kal kí rah, pêi hnoăng cheăng pro Ngế pơkuâ hnê ngăn Đảng kong pơlê  Lâm Đồng.

VOV4.Xơ Đăng - Kơxo hâi lơ 17/3, kong pơlê Điện Biên tơkŭm po hneăng hôp Tơbleăng pơkâ hdrối kong pơlê sap hơnăm 2021-2030, tơdroăng cheăng vâ pêi troh hơnăm 2050. Pôa Trần Hồng Hà - Ngế pro xiâm phŏ hnê ngăn Chin phuh veăng hôp ƀă tối tơbleăng hnê mơhno a hneăng Hôp.