VOV4.Xơ Đăng - Tơkâ luâ môi rôh tơplâ, vêh ƀă tơdroăng rêh ối tiah hmâ mâu mố đô̆i hơnăm hiăng krâ kong pơlê peăng kong ngo Yên Bái đi đo djâ vế tung tơná hiâm mơno kơhnâ mơ-eăm, khên tơmiât, khên pêi, mơ-eăm tung rêh ối, pro kro mơdrŏng ăm dêi tơná ƀă veăng kum mơjiâng pơlê xiâm rế hía rế kro mơdrŏng lĕm. Mâu túa pơkâ dế bro ăm mâu mố đô̆i hơnăm hiăng krâ tung lâp tơnêi têa hriâm tâp pêi pro ƀối.

VOV4.Xơ Đăng - Kơxo lơ 15/2, hâi má 6 Têt, hâi pêi cheăng apoăng klêi kơ’nâi hneăng pơtê Têt Lo hơnăm nếo 2024, Ngế pro xiâm hnê ngăn Chin phuh Phạm Minh Chính pơkuâ roh hôp Khu hnê mơhno má môi Chin phuh ‘na mơnhên tơdroăng Têt Lo hơnăm nếo Giáp Thìn 2024 ƀă pêi pro mâu hnoăng cheăng xiâm klêi kơ’nâi Têt.

VOV4.Xơ Đăng - Drêng apoăng rơnó Hơngui hơnăm nếo, kơxo lơ 15/2, a Hngêi Kuô̆k hô̆i, Kăn xiâm hnê ngăn Kuô̆k hô̆i Vương Đình Huệ trâm mâ rơkâu Têt mâu kăn pơkuâ, mâu kăn Kuô̆k hô̆i cheăng a Tíu xiâm ƀă kăn ƀô̆ pơkuâ cheăng, mâu ngế pêi cheăng dêi Ƀơrô cheăng Kuô̆k hô̆i.

VOV4.Xơ Đăng - Kơxo lơ 15/2 a kong pơlê Tuyên Quang, Kăn xiâm hnê ngăn tơnêi têa Võ Văn Thưởng hiăng tơbleăng Têt pêt loăng “Plâ rơxông pâ mơnê hnoăng Pôa Hồ” rơnó Hơngui Giáp Thìn 2024.

VOV4.Xơ Đăng - Kơxo hâi lơ 14/2, Kăn pơkuâ hnê ngăn Đảng pơlê kong kân Hà Nội Đinh Tiến Dũng , Kăn hnê ngăn Vi ƀan pơkê kong kân Hà Nội Trần Sỹ Thanh ƀă mâu kăn pơlê kong kân hiăng troh chôu nhang a hâi leh mơdĭng Gò Đống Đa hơnăm 2024.  

VOV4.Xơ Đăng - Hâi lơ 14/2, a pơlê kong kơdrâm Vũng Tàu, kong pơlê Bà Rịa Vũng Tàu, Khu xiâm pơkuâ lêng Kơpong 2 Khu lêng gâk kring têa kơxĭ rơtế mâu kơ koan, tíu cheăng tung lâp tíu cheăng Long Sơn hiăng tơkŭm po Leh mơhnhôk pêi pro tơdroăng ‘’Têt pêt loăng troh tá ah pâ Pôa Hồ’’ păng ‘nâng koh phiu ro, mơhnhôk pêi pro 65 hơnăm Hâi Kăn xiâm hnê ngăn tơnêi têa Hồ Chí Minh mơhnhôk pêi pro tơdroăng ‘’Têt pêt loăng’’ (1959 – 2024), pêi pro tơdroăng pêt môi rơtal xiâm loăng ngiât ‘’Xua môi Việt Nam ngiât lĕm’’ dêi Ngế pro xiâm hnê ngăn Chin phuh mơhnhôk pêi pro.

VOV4.Xơ Đăng - Hâi lơ 14/2 (hâi má 5 Têt Giáp Thìn), tíu tê mơdró tơkăng kong Tân Thanh ƀă tíu tê mơdró lâp plâi tơnêi Hữu Nghị (kong pơlê Lạng Sơn) po nếo kơ’nâi 4 hâi pơtê Têt. A Tân Thanh, sap kơxo má hâi lơ 14/2 khu râ pơkuâ cheăng hiăng hbrâ a troăng, vâ xing xoăng ăm mơngế rơxế prôk lăm chơ tơmeăm drô troăng a troăng kân hmâ prôk.

 VOV4.Xơ Đăng - Tây Nguyên cho kơpong rêh ối dêi kuăn pơlê mâu hdroâng kuăn ngo ki iâ mơngế ai khôi túa lĕm tro hên hĭn, tơviah krê. Kố cho kơpong tơnêi ki ai hyôh kong prâi rơngiâp lĕm, hên kong kế nhâ loăng, túa lĕm tro, lĕm tơviah krê, hên tíu xối tơbâ kơnía. Mâu tơdroăng kố bro ai hlâu kân, krê xêh, chiâng vâ mơnhông mâu túa ôm hyô, pơlê pơla, kong kế nhâ loăng.

VOV4.Xơ Đăng - Tây Nguyên ƀă hnoăng cheăng hmâ ki khên tơnôu, tơrŭm môi hiâm môi mơno, mâu hdroâng kuăn ngo môi hiâm tuăn ƀă Đảng, ƀă Pôa Hồ mơjo pâ.

VOV4.Xơ Đăng - Rơnó Hơngui Giáp Thìn hiăng troh ngăn ngiât lĕm mâu loăng plâi, rơpâu xiâm reăng tơ’noăng tơpo xú lĕm a kơpong tơbăng ngo. Tơnêi, kuăn mơngế tơkŭm ƀă tâ môi tiah hiâ phuâng tung hiâm mơno hlo hên tơdroăng ki hiăng pơ’lêh a pơlê. Hơnăm Prếo djâ tơdroăng púi vâ mơ-eăm pêi cheăng tơƀrê nếo, tơkâ luâ mâu tơdroăng pá puât, pơloăng mơnúa, mơjiâng pơlê kro mơdrŏng.