VOV4.Xơ Đăng - Tơkâ luâ hơnăm 2023, ki trâm hên xơpá, pơloăng mơnúa, mâu kong pơlê Tây Nguyên hiăng pêi châ tơƀrê hên tung mơnhông cheăng kâ rêh ối. Mê cho tơdroăng ki châ tơƀrê ‘na pêi chiâk deăng ƀă djâ pêt mâu hdrê loăng plâi ki dâi, kơnâ liăn môi tiah kơphế, tiu, sầu riêng ƀă hên mâu hdrê loăng ki ê, kum kuăn pơlê pêi châ liăn hên; cho tơdroăng ‘mâi mơnhông kơvâ ôm hyô ƀă mâu tơdroăng cheăng ki tơƀrê ing hên tơdroăng po mơdĭng mơhno túa lĕm tro mâu hdroâng kuăn ngo a Tây Nguyên. Mot tung hơnăm nếo 2024, mâu kong pơlê tung kơpong hiăng pơkâ hên tơdroăng vâ pêi troh hơnăm 2030 ƀă mâu tơdroăng vâ pêi troh hơnăm 2050 châ Ngế pro xiâm hnê ngăn Chin phuh kĭ, cho xiâm ki mơ-eăm xông rơdêi.

VOV4.Xơ Đăng - Rơkong rơkâu Têt Giáp Thìn 2024 dêi Kăn xiâm hnê ngăn tơnêi têa Võ Văn Thưởng

VOV4.Xơ Đăng – Ƀă rêm ivá mơ-eăm dêi mâu khu râ pơkuâ, mâu kơvâ cheăng, mâu tơdroăng tơkêa ‘no liăn pro kế tơmeăm a kơpong Tây Nguyên hiăng hlo hơ’lêh rơdêi ing mơ’nui hơnăm 2023, malối cho mâu kơvâ ‘na troăng prôk. Tá mâu tơdroăng tơkêa ki trâm hên xơpá má môi, xuân hiăng hlo hơ’lêh khât, vâ mâu cheăm tơring ing kơphô̆ troh thôn pơlê, ai tơ’nôm mâu troăng prôk ki nếo, tơdjêp troh mâu tíu xiâm ‘na cheăng kâ, mơnhông ăm tơdroăng ki ai hlâu vâ tơtêk tung hơnăm 2024 ƀă mâu hơnăm ki pơtối.

VOV4.Xơ Đăng - Ƀă pói vâ ‘’Rêm toăng hngêi pơrá ai Têt, rêm ngế pơrá ai Têt’’, mâu khu râ pơkuâ cheăng ƀă khu râ kăn pơkuâ mâu kong pơlê Tây Nguyên hiăng mơdoh hên tơdroăng tơmâng rak ngăn, tŏng kum Têt ăm mâu rơpŏng ai hnoăng tơnêi têa, mơngế ai hnoăng ƀă kăch măng, mơngế hơnăm hiăng krâ, rơpŏng kơtiê, rơpŏng vâ chê kơtiê, mơngế pêi cheăng ai tơdroăng rêh ối pá puât, hdroâng kuăn ngo kơpong hơngế hơngo, kơpong tơkăng kong, kum kuăn pơlê châ kâ Têt Giáp Thìn 2024 phâi hơtô, ai tŭm tơmeăm tâ’’.

VOV4.Xơ Đăng - Têt hơnăm nếo Giáp Thìn hiăng vâ chê troh. Hâi kố hâi má 29 Têt, rêm ngế, rêm hngêi hbrâ tơdah Têt tơkŭm, Têt tơrŭm. Hên ngế drêng tơmiât troh Têt, chôu má môi tơdroăng ki hbrâ rơnáu Têt, vâ mâu tơdroăng ki ƀriê tung hiâm mơno, hbrâ rơnáu hâk vâ mâu hâi chê Têt. Ngế ki krâ tơkôm mâu kuăn muăn, cháu chái, mâu ngế kuăn pêi cheăng a tíu hngế ing pơlê xiâm vêh pơlê; vâi hdrêng tơkôm a hdro pế kơƀăn tơxông, tơkôm châ xâp mâu hmân ếo nếo; bô bố xuân mơgrúa dêi hngêi trăng, plông troăng , ngăn dêi mâu kơdrum loăng, rơhêng vâ mâu tơdroăng pơrá tơniăn lĕm ƀă Têt. Mâu tơdroăng ki ƀriê mê pro chiâng ai hâi má 29 Têt gá phá tơ-ê tâ ƀă rêm ngế krê.

VOV4.Xơ Đăng - Drêng troh Têt Lo hơnăm nếo Giáp Thìn 2024, Kăn xiâm hnê ngăn Kuô̆k hô̆i Vương Đình Huệ ƀă khu kăn Vi ƀan pơkuâ Kuô̆k hô̆i, mâu kơ koan dêi Kuô̆k hô̆i hiăng chôu nhang tơbâ Kăn xiâm hnê ngăn tơnêi têa Hồ Chí Minh a Hngêi 67, Kơpong Tíu tơbâ Kăn xiâm hnê ngăn tơnêi têa Hồ Chí Minh a Tíu pêi cheăng kăn xiâm hnê ngăn tơnêi têa.

VOV4.Xơ Đăng - A Tíu pêi cheăng Khu xiâm tơpui kâ, Ngế xiâm phŏ tơpui kâ ƀă kong têa ê Lê Thị Thu Hằng hiăng tơdah Ƀok xối kân Marek Zalewski, Kăn teăng mâ apoăng dêi Hngêi khôp xiâm Vatican a Việt Nam.

VOV4.Xơ Đăng - Drêng rôh Têt Giáp Thàn 2024, kơxo lơ 6/2, Kăn xiâm phŏ hnê ngăn Kuô̆k hô̆i Nguyễn Đức Hải rơtế ƀă Khu kăn ki pêi dêi hnoăng cheăng hiăng chôu nhăng a Kơpong tơbâ kăn xiâm hnê ngăn Hô̆i đong Tơnêi têa Võ Chí Công; pôu kơ-êng, rơkâu Têt ƀă hbru tơmeăm ăm mâu rơpŏng ki châ tơnêi têa kum a kong pơlê Quảng Nam.

VOV4.Xơ Đăng - Tung 2 hâi lơ 6 – 7/2 (cho hâi má 27 – 28 Têt), Kơ koan xiâm ‘măn tơmeăm Tơnêi têa kơpong peăng hdroh Tây Nguyên tơrŭm ƀă Khu pơkuâ cheăng pêi Mô đô̆i rong râ ƀă Rêh ối pơlê pơla kong pơlê Dak Lak pêi pro xing xoăng phái ăm mâu rơpŏng pá puât a kong pơlê kố vâ tŏng kum tơmeăm kâ tŏng kơdroh kơklêa roh Têt lo hơnăm nếo 2024.

VOV4.Xơ Đăng - Kơxê hâi lơ 5/2, Ngế pro xiâm hnê ngăn tơnêi têa Phạm Minh Chính lăm pôu ƀă rơkâu Têt ăm mâu lêng kăn sát gak troăng prôk, Khu xiâm kŏng an ƀă rơkâu Têt, hơlêm mâu kăn ƀô̆, mâu lêng Kăn sát gak troăng prôk tung lâp tơnêi têa.