VOV4.Xơ Đăng - Hô̆i đong xing xoăng hnoăng cheăng a kơpong Tây Nguyên nếo tơkŭm po roh hôp má 2, dó inâi ‘na Hdró vâ mơnhông kơpong Tây Nguyên hneăng hơnăm 2021-2030, hnoăng cheăng vâ pêi pro troh a hơnăm 2050. Roh hôp kố, ga ai pơxúa kân khât tung rak vế, pêi pro tơdroăng ki tơƀrê dêi hnpoăng cheăng Hô̆i đong xing xoăng hnoăng cheăng kơpong, rơtế tơpui tơno vâ lêi tah lôi tơdroăng “Tơvâ tơvân”, “Tiú ki kreăng” mơnhông mâu hnoăng cheăng ki vâ pêi pro xiâm, túa pơkâ, troăng hơlâ tơkŭm rak vế, pêi pro tung la ngiâ; thăm mơdêk tơrŭm cheăng kơpong, khu kơpong troh a tơdroăng mơnhông Tây Nguyên “Tơ’lêi hlâu - Tơtro - Krá tơniăn”.

VOV4.Xơ Đăng - Tung rôh lăm pêi cheăng veăng Hôp mâu kăn xiâm hnê ngăn Kuô̆k hô̆i râ má 3 kong têa Kul, Lếo ƀă Việt Nam (CLV),  lăm pôu ƀă cheăng a Lếo, Kăn xiâm hnê ngăn Kuô̆k hô̆i Vương Đình Huệ ƀă khu kăn xiâm Kuô̆k hô̆i Việt Nam hiăng troh a Hngêi pơkeăng kân lâp plâi tơnêi La Vie a pơlê kong xiâm Vientiane.

VOV4.Xơ Đăng - Tung rôh veăng hôp mâu kăn xiâm Kuô̆k hô̆i pái kong têa Kul - Lếo - Việt Nam, hâi lơ 4/12, Kăn xiâm hnê ngăn Kuô̆k hô̆i Vương Đình Huệ hiăng lăm pôu mâu kăn xiâm pơkuâ dêi kong têa Lếo.

VOV4.Xơ Đăng - Kơxo lơ 4/12, Kăn xiâm hnê ngăn Kuô̆k hô̆i Vương Đình Huệ ƀă Khu kăn xiâm Kuô̆k hô̆i tơnêi têa pin hiăng troh Pơlê kong xiâm Vientane pơxiâm rôh veăng hôp a Rôh hôp khu râ kăn xiâm Kuô̆k hô̆i Kul – Lếo – Việt Nam.

VOV4.Xơ Đăng - Kơxo lơ 4/12, Đăi tươ̆ng Phan Văn Giang – Kăn cheăng tung Khu xiâm kal kí, Ngế xiâm pơkuâ lêng pơkuâ roh Leh tơdah ƀă trâm mâ tơpui tơno ƀă Ngế xiâm pơkuâ lêng kong têa Malaysia Dato’ Seri Utama Haji Mohamad Bin Haji Hasan.

VOV4.Xơ Đăng - Kơxo lơ 4/12, Khu pơkuâ Ôm hyô Pơlê kong kân Hồ Chí Minh pơxiâm po Măng tĭng Leh Ôm hyô roh má 3 ƀă dó inâi ‘’Ngiât lĕm rêm troăng prôk’’.

VOV4.Xơ Đăng - Tơdroăng pơkâ ‘na thế séa ngăn, vêh mơnhên ƀă tơdroăng ki rak krúa ing tơdroăng khăm pơlât ƀă khu chêm pơlêng ki mơ’no tê ing Việt Nam troh a kong têa Simuâ châ xêt khât hiăng po ăm tơdroăng ki kân ‘na tơdroăng ki tê mơdró ăm mâu tíu ki vâ păn chêm pơlêng. A kong pơlê Dak Lak, tung plâ to lâi hơnăm hdrối mê hía nah, mâu khu ki păn chêm pơlêng ƀă mâu khu mơdró, păn roăng chêm pơlêng hiăng hbrâ ăm tơdroăng ki vâ mơ’no tê dêi chêm, tro tiô troăng prôk drêng Việt Nam hiăng pêi pro klêi hồ sơ tiô tơdroăng pơkâ.

VOV4.Xơ Đăng – Măng tĭng hdrối, klêi kơ’nâi mơgêi roh hôp má 6, Kuô̆k hô̆i hneăng 15, mâu kăn Kuô̆k hô̆i hiăng lo lăm trâm mâ kuăn pơlê. Tung mê, pôa Trần Quang Phương, Kăn xiâm hnê ngăn Kuô̆k hô̆i hiăng lăm trâm mâ kuăn pơlê a Quảng Ngãi ƀă ai hnê tối athế hbrâ mơdât tơdroăng ki pâk chik ma tŭi, tơdroăng ki tơxiăn tơpâm pơla mâu hok tro a hngêi trung. Kuăn pơlê a Pơlê kong kân Hồ Chí Minh ai tơdroăng ki tŏng kum hên ‘na rak vế pêi pro hnoăng pơkuâ ngăn kơphô̆, hbrâ mơdât kâ kơluâ, kâ kơhveăm.

VOV4.Xơ Đăng – Măng tĭng hdrối, klêi kơ’nâi mơgêi roh hôp má 6, Kuô̆k hô̆i hneăng 15, mâu kăn Kuô̆k hô̆i hiăng lo lăm trâm mâ kuăn pơlê. Tung mê, pôa Trần Quang Phương, Kăn xiâm hnê ngăn Kuô̆k hô̆i hiăng lăm trâm mâ kuăn pơlê a Quảng Ngãi ƀă ai hnê tối athế hbrâ mơdât tơdroăng ki pâk chik ma tŭi, tơdroăng ki tơxiăn tơpâm pơla mâu hok tro a hngêi trung. Kuăn pơlê a Pơlê kong kân Hồ Chí Minh ai tơdroăng ki tŏng kum hên ‘na rak vế pêi pro hnoăng pơkuâ ngăn kơphô̆, hbrâ mơdât kâ kơluâ, kâ kơhveăm.

VOV4.Xơ Đăng - Mâu hơnăm achê pơla kố, tơdroăng ki tơhnah rơhê kĭng têa kroăng Krông Nô, tíu ki tơkâ luâ kong pơlê Dak Nông dế rế hía rế ó khât, pro hía lôi tơnêi pêi chiâk pêi deăng dêi kuăn pơlê. Tơdroăng ki chêl thiê̆n ăm tơnêi pêi chiâk deăng dêi kuăn pơlê ối trâm hên xahpá. Tơdroăng kố pro kuăn pơlê tô tuăn ó khât, chiâng hêng hôu, xua athế tơkôm tơdroăng chêl thiê̆n mê lối ton ó. Ngế chêh hlá tơbeăng cheăng tung Rơ’jíu Việt Nam kơpong Tây Nguyên ai chêh tối ‘na tơdroăng mê.