VOV4.Xơ Đăng - Kơxo lơ 21/8, a Tíu pêi cheăng Kăn xiâm hnê ngăn tơnêi têa, pôa Võ Văn Thưởng, Kăn xiâm hnê ngăn tơnêi têa pơkuâ po leh tơdah kân krip pôa Kassym - Jomart Tokayev, kăn xiâm pơkuâ kong têa Kazakhstan pôu păng ‘nâng Việt Nam hâi lơ 20-22/8/2023.

VOV4.Xơ Đăng - Kăn xiâm hnê ngăn Kuô̆k hô̆i râ má môi kong têa Ƀih pôa Stéphanie D’Hose cho kăn ki râ kân xiâm má môi dêi Ƀih lăm pôu Việt Nam tung hơnăm 2023.

VOV4.Xơ Đăng - Tơdroăng pêi pro troh lâp lu hiâm mơno djâ troăng ahdrối xua pơlê pơla ƀă troh lâp pơtâng hnê tối ‘na tuăn pâ pơlê xiâm, tơnêi têa dêi rơxông ối nếo.

VOV4.Xơ Đăng - Roh apoăng Kăn xiâm pơkuâ kong têa Kazakhstan troh a Việt Nam drêng pôu râng hnoăng cheăng nếo, cho kơnâ kal khât tung mơdêk tơrŭm cheăng nhŏng o Việt Nam – Kazakhstan, ki rơhêng vâ tối ‘na cheăng kâ, tê mơdró.

VOV4.Xơ Đăng - Tung 2 hâi lơ 19 ƀă 20/8, pôa Phạm Minh Chính, Ngế pro xiâm hnê ngăn tơnêi têa hiăng troh lăm pôu pêi cheăng a kong pơlê Kon Tum.

VOV4.Xơ Đăng – Ƀă tơdroăng ki veăng vâ môi tuăn dêi khu pơkuâ, mơngế krê po hên lâm hnê klê têa ôh tá xo liăn, a rơnó pơtê hriâm kố nah, lối hrĭng ngế vâi ‘nĕng a mâu pơlê cheăm kơtiê xahpá, hơngế hơngo dêi kong pơlê Dak Lak hiăng châ hriâm  klê têa ƀă châ hlê plĕng mâu túa ki rơkê vâ hbrâ mơdât tro klâk têa. H’Xiú H’Mok, Ngế chêh hlá tơbeăng cheăng tung Rơ’jíu Việt Nam kơpong Tây Nguyên ai chêh tối ‘na tơdroăng mê.

VOV4.Xơ Đăng - Peăng xêi hâi lơ 18/8, a Hà Nội, pôa Phạm Minh Chính, Ngế pro xiâm hnê ngăn veăng Hôp mơ’no tơdrêng tung um ‘na mơgêi hơnăm hriâm 2022-2023 ƀă hbrâ ăm hơnăm hriâm nếo sap hơnăm 2023-2024.

VOV4.Xơ Đăng - Kơxo hâi lơ 18/8, a Hà Nội, pôa Nguyễn Trọng Nghiã, Ngế xiâm mơhnhôk cheăng kal kí Tơnêi têa pêi cheăng ƀă mâu kăn Đảng Khu xiâm ngăn Túa lĕm tro Tơ’noăng ivá ƀă Ôm hyô ‘na tơdroăng cheăng tơdế hneăng tơbleăng tơdroăng cheăng tiô pơkâ Hneăng hôp má 13 dêi Đảng ‘na tơdroăng mơnhông túa lĕm tro, kuăn mơngế Việt Nam.

VOV4.Xơ Đăng - A tíu pêi cheăng Chin phuh, pôa Lê Minh Khái, kăn pơkuâ tíu xiâm Đảng, Ngế pro xiâm phŏ hnê ngăn tơnêi têa pơkuâ po rôh hôp séa ngăn Tơdroăng kơxô̆ 06 ƀă tơdroăng kơxô̆ 03 dêi Hngêi rak liăn Tơnêi têa Việt Nam.

VOV4.Xơ Đăng - A kong pơlê Sơn La, Khu xiâm Kŏng an nếo tơkŭm po Hôp tơpui tơno túa pêi cheăng ƀă khĕn kơdeăn mâu túa cheăng ki hlo tơƀrê tung mơhnhôk tâi tâng kuăn pơlê kring vế tơniăn tơnêi têa kơpong hdroâng kuăn ngo kơpong Tây Bắc ƀă kơpong achê, pơla hơnăm 2018-2023. A hneăng hôp. Trung tướng Lê Quốc Hùng, Ngế xiâm phŏ kŏng an pơkâ thế mâu lêng kŏng an mâu tơring cheăm hbrâ tơrŭm ƀă mâu mâu lêng, mố đô̆i gak tơkăng kong kơhnâ lăm séa ngăn drô troăng tơkăng kong, pêi tro tơdroăng hnê mơhnhôk cheăng.