VOV4.Xơ Đăng - Péa khế apoăng hơnăm 2023, kơxô̆ liăn châ xo ing tê tơmeăm pêi lo ing chiâk deăng ngi kong têa ê a kong pơlê Gia Lai hiăng châ 150 rơtuh dollars, tâk 11,11% tâng pơchông ƀă khế kố hơnăm hdrối.

VOV4.Xơ Đăng - Klêi kơ’nâi 5 hâi tơkŭm po ƀă ai hên tơdroăng ki pêi pro ai pơxúa, kong măng lơ 14/3, a Plông kân lơ 10/3 pơlê kong kơdrâm Ƀuôn Ma Thuột, Dak Lak hiăng po Leh mơgêi Hneăng po Leh tơbleăng kơphế Ƀuôn Ma Thuột rôh má 8, hơnăm 2023.

VOV4.Xơ Đăng - Kơxê lơ 14/3, a tíu pêi cheăng Chin phuh, pôa Trần Lưu Quang, Ngế pro xiâm phŏ hnê ngăn Chin phuh hiăng tơdah kăn teăng mâ Australia a Việt Nam - pôa Andrew Goledzinowski.

VOV4.Xơ Đăng - Khu hnê mơhno má môi pơkuâ hnê ngăn Đảng Kon Tum pơkâ thế Vi ƀan kong pơlê hnê mơhno nhên xiâm kối, pơxâu phâk kơtăng tơdroăng roh on chếo kong pêt loăng bat đâng pro 2 ngế hlâ a cheăm Hơ Moong, tơring Sa Thầy.

OV4.Xơ Đăng - Kơxo lơ 14/3, a Pơlê kong kân Đà Nẵng, Khu tơpui Khu pơkuâ mô đô̆i hneăng troh nah gâk kring têa kơxĭ pơlê kong kân Đà Nẵng tơkŭm po leh tơbâ 35 hơnăm hâi hlâ dêi mâu ngoh khên tơnôu hlâ tung tơplâ xâ a rơlố  Gạc Ma.

VOV4.Xơ Đăng - Tung rôh lăm pôu pêi cheăng a kong pơlê Quảng Ninh, Đại tướng Phan Văn Giang, ngế xiâm pơkuâ ngăn lêng troh lăm pôu, pêi cheăng a Đông tơkăng kong Pò Hèn ƀă chôu nháng a tíu meăn tơbâ inâi mâu lêng khên tơnôu ki hlâ a Pò Hèn (pơlê kong kơdrâm Móng Cái).

VOV4.Xơ Đăng - Kơxo lơ 14/3, pôa Vương Đình Huệ, Kăn xiâm hnê ngăn Kuô̆k hô̆i lăm pôu, pêi cheăng a Hưng Yên.

VOV4.Xơ Đăng - Kơmăng hâi lơ 13/3, a tíu tơbâ Khu lêng hlâ a Gạc Ma a cheăm Cam Hải Đông, tơring Cam Lâm, kong pơlê Khánh Hòa, pôa Trương Tấn Sang, Kăn xiâm hnê ngăn tơnêi têa hneăng hdrối hiăng veăng leh tơbâ 35 hơnăm hâi 64 ngế kăn ƀô̆, mâu lêng tung kuăn pơlê Việt Nam hlâ a chuăn Gạc Ma, cho rơlố Trường Sa.

VOV4.Xơ Đăng - Khu pơkuâ ngăn Đoân Khô̆i tơkŭm po rôh hôp “Hơnăm ối nếo Khô̆i mâu kơ koan Tơnêi têa khŏm mơ-eăm hbrâ, tơplâ mơdât kâ kơluâ”.

VOV4.Xơ Đăng - Hâi lơ 13/3, a pơlê kong kân Hồ Chí Minh, Kuân khu 7 tơrŭm ƀă Hô̆i đong tơpui kâ xiâm tơnêi têa Tơkŭm po tơpui ‘na mâu tơdroăng tơpui kâ- tơdroăng pêi pro tung tơdroăng kring vế Tơnêi têa tung chal nếo nôkố.