VOV4.Xơ Đăng - Kơxo lơ 20/2, a Pơlê kong kân Hồ Chí Minh, Khu hnê mơhno Tơnêi têa tơkŭm po mơgêi 20 hơnăm pêi pro Pơkâ kơxô̆ 23 hâi lơ 12/3/2023 dêi Khu pơkuâ ngăn Tíu xiâm Đảng (hneăng 9) ‘na mơdêk ivá rơdêi tơrŭm tâi tâng hdroâng mơngế xua kuăn pơlê kro, tơnêi têa rơdêi, pơlê pơla tơdâng tơ’mô, kuăn pơlê tơniăn krê, hlê plĕng.

VOV4.Xơ Đăng - Rôh hôp tơkŭm po ‘no tơdrêng ing um tơvi ƀă ‘no tơdrêng ing troăng hyôh internet a 41 to tíu ki mơ’no tung tâi tâng khu lêng ƀă 1.600 ngế kăn veăng.

VOV4.Xơ Đăng - Kơxo lơ 19/2, a tíu pêi cheăng dêi Khu xiâm pơkuâ ngăn lêng, Đăi tươ̆ng Phan Văn Giang, Ngế xiâm pơkuâ ngăn lêng hiăng pơkuâ leh tơdah Đăi tươ̆ng Tea Banh, Ngế pro xiâm phŏ hnê ngăn, Ngế xiâm pơkuâ ngăn lêng kong têa Kul lăm pôu Việt Nam.

VOV4.Xơ Đăng - Kong pơlê Kon Tum nôkố dế mot a rơnó tô dêi roh khăng khoăng ƀă hên ƀăng deăng kong ki tơ’lêi chếo kong râ V, râ ki rơ-iô.

VOV4.Xơ Đăng - Klêi kơ’nâi 10 hâi lo lăm pêi hnoăng cheăng tŏng xo mơngế hliăng tiâ, tŏng kum mơngế trâm xía vâ xua tơnêi tơdro a Thổ Nhĩ Kỳ, kơxê lơ 19/2, Khu râ kăn pêi cheăng dêi Khu xiâm pơkuâ Kŏng an Việt Nam hiăng kêi đeăng hnoăng cheăng, hiăng vêh dêi tơnêi têa.

VOV4.Xơ Đăng - Tơdroăng tơkêa bro Alumin Nhân Cơ châ pơkâ pêi pro a tơring Dak Rlâp, Dak Nông - cho môi tung 2 tơdroăng tơkêa bro ki vâ chiâ xo rơƀu meăm bauxite vâ mơjiâng alumin. Klêi kơ’nâi 7 hơnăm pêi cheăng, tơdroăng tơkêa bro mê dế trâm hên tơdroăng ki tơvâ tơvân, kô tơ’lêi ai tơdroăng hngêi kơmăi pro meăm kố kô pơtê cheăng.

VOV4.Xơ Đăng - Kơxê măng lơ 17/2, po hneăng Hôp mơgêi tơdroăng cheăng tơrŭm pơla Vi ƀan pơkuâ cheăng Kuô̆k hô̆i ƀă Khu kăn hnê ngăn Vi ƀan Xiâm Măt trâ̆n tơnêi têa Việt Nam.

VOV4.Xơ Đăng - Hâi lơ 17/2, Đăi tươ̆ng Tô Lâm, Ngế xiâm ngăn Kŏng an hiăng ai mâ ƀă hnê mơhno tơdroăng mơgêi hneăng hôp 10 hơnăm rak vế, pêi pro Tơdroăng pơkâ dêi Đảng xiâm tơnêi têa má 8 ‘na hnoăng cheăng kring vế tơnêi têa tung chal nếo a mâu kong pơlê Dak Nông ƀă Dak Lak.

VOV4.Xơ Đăng - Hâi lơ 17/2, pôa Nguyễn Phú Trọng, Kăn xiâm pơkuâ hnê ngăn Đảng hiăng tơdah khu kăn dêi Bơrô xiâm Đảng kong têa Lếo xua pôa Thongsalith Mangnomek, Kăn xiâm Ƀơrô djâ troăng lăm pôu, pêi cheăng a Việt Nam.

VOV4.Xơ Đăng - Kơ’nâi vâ chê 2 hơnăm pơkâ luât pơtân ‘na ‘no liăn cheăng ƀă rak ngăn tơdroăng ôm hyô ngăn kơdrum chiâk deăng, hlo hên tơdroăng kal pơtối ki nếo hlo ai pro tơdroăng ôm hyô hâi kâi châ tơƀrê vâ mơnhông ăm i tơxâng. Nôkố kong pơlê Lâm Đồng dế tăng hên troăng rơhlâ vâ tah ki xơpá tơvâ tơvân mê.