A rôh tơdah, Péa ngế kăn xiâm pơkuâ rơtế môi tuăn tiah kố, tơdroăng ki péa tơnêi têa rơtế tơkŭm po tơbâ tơdroăng 50 hơnăm rôh lăm pôu dêi pôa Fidel Castro, Kăn xiâm pơkuâ troh kơpong Tơleăng lĕm peăng Hdroh Việt Nam cho vâ tối tơdroăng ki nhuô̆m mâu kế tơmeăm xua Hồ Chí Minh, Kăn pơkuâ Fidel bă hên rơxông kăn pơkuâ, kuăn pơlê péa tơnêi têa hiăng ‘măn chôu ăm tơrŭm cheăng Việt Nam – Cuba.

Đảng, Tơnêi têa Việt Nam ƀă Cuba kô pơtối hnê hriâm ăm mâu rơxông hơnăm ối nếo péa tơnêi têa vâ rak vế tơbêng ăm tơrŭm tơroâ nhŏng o ƀă tơrŭm tơviah pơla Việt Nam – Cuba. Tung tơrŭm cheăng nhŏng o ki tơviah, pôa Võ Văn Thưởng, Kăn xiâm hnê ngăn tơnêi têa pơkâ thế péa pâ pơtối tơrŭm krá tơniăn vâ mơdêk tơrŭm cheăng ing mâu tơdroăng tơbleăng tơƀrê mâu tơkêa khu râ kăn xiâm, mâu troăng hơlâ tơrŭm cheăng ki hiăng ai hlâu, mơdêk tơƀrê mâu troăng hơlâ tơpui kâ ƀă tơrŭm pơla péa pâ.