VOV4.Xơ Đăng - Hiăng tâi hâi pơtê Têt âm lịch, ai rơpâu ngế kuăn pơlê a mâu kong pơlê kơpong Tây Nguyên to rơxế hon đa lăm a mâu kong pơlê peăng Hdroh rêh ối ƀă pêi cheăng.

VOV4.Xơ Đăng - Kơxê lơ 26/1, cho hâi má 5 Têt, pôa Phạm Minh Chính, Ngế pro xiâm hnê ngăn séa ngăn tơdroăng tơkêa bro troăng kân Nha Trang – Cam Lâm ối tung tơdroăng tơkêa bro troăng kân Bắc – Nam peăng mâ hâi Lo hneăng má 1; pôu, rơkâu Têt kăn ƀô̆, mơngế cheăng ai mâ a tơdroăng tơkêa bro troăng kân.

VOV4.Xơ Đăng - Vi ƀan pơlê kong kơdrâm Kon Tum hiăng pơxiâm pêi pro hên pơkâ pêi ki nhên vâ pêi kêi đeăng, rak krá tơniăn mâu tơdroăng pơkâ ƀă xo têa kroăng Đăk Bla cho kki xiâm vâ mơnhông mơdêk tíu kơdrâm kuăn pơlê rêh ối tê mơdró.

VOV4.Xơ Đăng - Xuân tung kơxê lơ 26/1, a kong pơlê Ninh Thuận, pôa Phạm Minh Chính, Ngế pro xiâm hnê ngăn tơnêi têa mơhnhôk thế lo lăm pêi pro tơdroăng tơkêa bro rơnêu ilĕm troăng kân Nha Trang – Sài Gòn, troăng rơxế lơtreng Hà Nội – pơlê kong kân Hồ Chí Minh.

VOV4.Xơ Đăng - Ƀă tơdroăng cheăng ki xiâm ‘’hơ’lêh kơxô̆ pơxiâm ing kuăn pơlê, xo kuăn pơlê cho ki xiâm rêi’’, mê tơring Krông Pač, kong pơlê Dak Lak hiăng ai hên hĕng mâu pơlê cheăm hriâm, tơ’mot hên tơdroăng hơ’lêh kơxô̆ mot tung tơdroăng rêh ối, chôa ‘lâng mơjiâng pơlê pơla xúa kơxô̆ ing mâu thôn, pơlê.

VOV4.Xơ Đăng - Klêi kơ’nâi mâu hâi ro Têt Quý Mão, hâi kố, tơdroăng lo pêt mơjiâng tơmeăm apoăng hơnăm nếo hên phiu ro lâp lu pơlê. Pói tơngah môi hơnăm nếo kong prâi mêi tro tô ‘ló, pêi lo châ hên tơmeăm, vâi krâ kuăn pơlê pêi chiâk deăng mâu kong pơlê Tây Nguyên kâ Têt djâ dêi pó lăm a chiâk , kơpuih văng kơdrum, tôh loăng plâi.

VOV4.Xơ Đăng - Hơnăm 2022 ai môi tơdroăng ki hơ’lêh ro rih tung pêi cheăng, pêi chiâk pêi deăng a mâu thôn pơlê dêi hdroâng kuăn ngo ki rêh ối a kong pơlê Kon Tum, mê cho tơdroăng xúa khoa hok kŏng ngê̆ tung pêi chiâk. Mâu hdroâng kuăn ngo rơxông nếo kong pơlê hiăng hlê plĕng, pơtối châ xúa tơdroăng pêi chiâk pêi deăng châ tơhluâ păng ‘nâng.

VOV4.Xơ – Mơeăm troh tâi hơnăm 2022 kong pơlê Kon Tum hiăng mơnhông pêt loăng pơkeăng châ vâ chê 6.600 ha, tung mê, krê sâm Ngọc Linh dế nôkố ai lối 1.740 ha. Kong pơlê Kon Tum xuân mơnhông tê mơdró, xuân hiăng po mâu kơchơ tê loăng pơkeăng a kơpong ki pêt mơjiâng, kum kuăn pơlê pêi lo liăn ngân.

VOV4.Xơ Đăng - Pôa Anŭ, hdroâng kuăn ngo Bơhnéa, 65 hơnăm, ối a pơlê Tuơh Ktu, cheăm Glar, tơring Đak Đoa, Gia Lai cho môi ngế krâ pơlê ki djâ troăng ahdrối, tơpui hlối pêi. Pôu râng hnoăng cheăng ƀă pơlê, tơdroăng tơnêi têa, pôa Anŭ ối cho ngế ki rơkê tung pêt mơjiâng tơmeăm, đi đo tơmâng, tŏng kum vâi krâ kuăn pơlê.

VOV4.Xơ Đăng - Hơnăm 2023, kơvâ ôm hyô Việt Nam pơkâ tơdah 110 rơtuh roh tơmối ôm hyô, ƀă tâi tâng pêi lo liăn ing tơmối ôm hyô dâng 650 rơpâu rơtal liăn. Ƀă loăng pơlái kong kế, khôi túa lĕm tro hên, sap ing mâu hâi apoăng hơnăm nếo, mâu tíu ôm hyô a Tây Nguyên hiăng ƀă dế mơhnhôk ai hên tơmối tung tơnêi têa pin ƀă kong têa ê troh pôu.