VOV4.Xơ Đăng - Tung tơdroăng pêi cheăng COP27, kơxo lơ 8/11, Khu Việt Nam xua pôa Trần Hồng Hà, Ngế xiâm pơkuâ loăng pơlái kong kế ƀă kong prâi pơkuâ djâ hiăng pêi cheăng ƀă Khu hngêi arak liăn lâp plâi tơnêi (WBG) ‘na thăm kơdroh mơ’no trếo ‘mêi hngêi nhĕng vâ hbrâ ví kong prâi hơ’lêh.

VOV4.Xơ Đăng - Tung kơxê lơ 8/11, pôa Phạm Minh Chính, Ngế pro xiâm hnê ngăn tơnêi têa rơtế ƀă pôa Samdech Techo Hun Sen, Ngế pro xiâm hnê ngăn kong têa Kul veăng hneăng hôp thăm pêi pro rơdêi tơdroăng mơ’no liăn cheăng ƀă tê mơdró Việt Nam – Kul.

VOV4.Xơ Đăng - Pôa Samdech Techo Hun Sen, Ngế pro xiâm hnê ngăn Chin phuh Kul pơkuâ leh tơdah pôa Phạm Minh Chính, Ngế pro xiâm hnê ngăn Chin phuh ƀă khu kăn xiâm Việt Nam lăm pôu kong têa Kul.

VOV4.Xơ Đăng - Pôa Nguyễn Xuân Phúc, Kăn xiâm hnê ngăn tơnêi têa trâm mâ Khu râ kăn teăng mâ Khu ngế mơdró hơnăm ối nếo kơhnâ rơkê Việt Nam klăng roh veăng Leh diâp pri Hơlŏng khêi – Ngế tê mơdró hơnăm ối nếo Việt Nam ki kơhnâ rơkê hơnăm 2022.

VOV4.Xơ Đăng - Pôa Phạm Minh Chính, Ngế pro xiâm hnê ngăn Chin phuh pơkuâ djâ khu kăn xiâm Việt Nam lăm hôp a Rôh hôp Khu kăn xiâm ASEAN rôh má 40, 41, mâu Rôh hôp Khu râ kăn xiâm ki ai tơdjâk ƀă lăm pôu kong têa Kul tiô rơkong krếo thế dêi pôa Samdech Techo Hun Sen, Ngế pro xiâm hnê ngăn kong têa Kul.

VOV4.Xơ Đăng - Hâi lơ 8/11 ƀă kơxo lơ 9/11, mâu kăn Kuô̆k hô̆i hôp tơpui tơno a hngêi hôp kân ‘na hneăng cheăng dêi mâu Kăn hngêi tơleăng xiâm, Ngế xiâm dêi Tíu xiâm séa ngăn arak luât kuăn pơlê; tơdroăng cheăng hbrâ mơdât mâu ngế ki pro xôi luât ƀă tơdroăng hbrâ mơdât kâ kơluâ hơnăm 2022.

VOV4.Xơ Đăng - Kong pơlê Dak Nông hiăng po tơdroăng trâm mâ, tơpui tơno pơla mâu Kăn dêi péa tơnêi têa Việt Nam - Kul ƀă mâu lêng ki pleăng hnoăng cheăng tơná, mâu ngế rơkê, mố đô̆i gak tơkăng kong ƀă mâu rơtăm kong pơlê Dak Nông.

VOV4.Xơ Đăng - Pôa Phạm Minh Chính, Ngế pro xiâm hnê ngăn Chin phuh, Kăn xiâm Khu hnê mơhno tơnêi têa hbrâ mơdât COVID-19 (Khu hnê mơhno) pơkuâ Roh hôp má 18.

VOV4.Xơ Đăng - Pơtối Tơdroăng dêi rôh hôp má 4, Kuô̆k hô̆i hneăng 15, lơ 7/11, mâu kăn tơpui tơno a hngêi hôp kân ƀă 2 tơdroăng pơkâ.

Quảng Nam cho kong pơlê châ kơdrâm tơmối tung tơnêi têa ƀă kong têa ê rah cho tíu troh, sap ing Chin phuh lôu péa mâu tơdroăng ôm hyô. Mơnhông rơdêi dêi tơná, kong pơlê Quảng Nam tơbleăng hên tơmeăm ôm hyô ƀă mơdêk ki kơnâ khôi túa lĕm tro hdroâng kuăn ngo, thăm mơnhông kơvâ ôm hyô mơdêk tơdroăng rêh ối kuăn pơlê.