VOV4.Sêdang - Khu lo tŏng veăng Lâm Đồng hiăng tơkŭm po hneăng hôp pêi pro tơdroăng pleăng mơheăm ƀă Hâi pleăng mơheăm “Kơto mơheăm khêi pơlê kong kơdrâm Reăng’’ roh má 9 hơnăm 2021. Tiô pơkâ, tơdroăng pleăng mơheăm kô tơkŭm po tung 2 hâi lơ 19 ƀă lơ 20/6/2021. Tơdroăng kô mơhnhôk 2 rơpâu ngế veăng pleăng mơheăm ƀă tiô tối hdrối kô tơdah 1.000 tơdrong mơheăm vâ pơtroh a hngêi pơkeăng pâk tơ’mot mơheăm Tơnêi têa.

Xua pơreăng COVID 19 xông tâ tú ó xua mê tơdroăng pleăng mơheăm hơnăm kố châ tơkŭm po tơ’lêi hlâu ƀă mâu tơdroăng xiâm ƀă rêm tíu cheăng ối tung Khu hnê mơhno xuân pêi pro tơdâng tơ’mô ăm mâu tíu krếo mơngế troh pleăng mơheăm, rak tơniăn tơdroăng pơtâng tối hbrâ mơdât COVID 19; xôh pơkeăng kơdê pơreăng ahdrối ƀă kơ’nâi pleăng mơheăm, hnê mơhno khăm ki tô tung châ, pâng rơkong môh, xếo kŏng ƀă têa pơkeăng kơdê pơreăng ƀă ối kơtăn, hnê mơhno ƀă pêi pro kơtăn, tơniăn pơkâ 5 thế.

A Sa Ly tơplôu ƀă tơbleăng