Êng: Ô pôa, tiah lâi êh khoh chiâng vâ pêi ‘na tơdroăng cheăng hbleăng, pong, rơgi loăng bro um tung tơnâp kiâ?

Pôa Ksor Hnao: Drêng á hiăng châ 12 hơnăm nah, á hiăng hâk vâ ngăn mâu um ki vâi bro, hâk vâ ngăn mâu vâi krâ ki bro um loăng a hâi mơd^ng lôi tơnâp kiâ, ki nâl Jarai tối dêi Mơd^ng Pơthi. Mâu um ki mê le\m ‘nâng, á hlo ga kơnía [ă mơhno tơdroăng ki tơtro tung rêh ối. Drêng mê nah á râng vok, râng chông, hriâm hbleăng, pong, rơgi bro um. Drêng á hiăng châ 18 hơnăm, á hiăng chiâng hbleăng, pong, rơgi loăng. Um loăng ki apoăng á mơjiâng nah cho um nôu pin dêi kuăn. Tơná á ngăn hlo le\m ‘nâng, mê vâi krâ ki ê xuân tối le\m há. Á ngăn mâu um ki mê ga vâ tối tơdroăng ki ai păng ‘nâng tung rêh ối rêm hâi. Ing mê, vâi krâ-nho\ng o tung pơlê xo um ki mê vâ ‘măn tung tơnâp kiâ. Klêi mê, vâi krâ brôk á lăm pong rơgi loăng. Xua tiah mê, um ki á mơjiâng, pong, rơgi rế hía rế hên. Á tâ  phiu ro păng ‘nâng. Kố ôh tá xê tơdroăng cheăng tăng liăn, mê cho vâ mơhno khôi túa, tơlá hmâ dêi hdroâng mơngế Jarai ngin.

Êng: Tâng tiah mê, vâ khoh châ rak vế tơdroăng ki hbleăng, pong, rơgi loăng bro um tung tơnâp kiâ dêi mơngế Jarai, êh hiăng pro ki klâi tung mâu hơnăm hiăng hluâ?

Pôa Ksror Hnao: Troh nốkố, maluâ vâi ôh tá po mơd^ng Lôi tơnâp kiâ xếo, la á xuân ối rak vế dêi tơdroăng ki le\m tro tung pong rơgi loăng pro um tơnâp kiâ. Ôh tá ai tơnâp kiâ vâ ‘măn mê á pro ‘măn dêi tung hngêi tơná. Mê cho túa ki á ối vâ rak vế dêi hnoăng cheăng dêi hdroâng Jarai. Xuân kơnôm tiah mê, á lăm tơ’noăng, á xuân hiăng châ kâ pri. Roh má péa á lăm hbleăng, rơgi, pong pro um a {uôn Đôn, kong pơlê Daklak. Roh má pái á lăm tơ’noăng a kơpong ôm hyô Ko\ Tam a Daklak, klêi mê nếo, á lăm troh a kơpong ôm hyô Đồng Mô, Hà Nội. Pa k^ng mâu tơdroăng ki mơjiâng pro um tung tơnâp kiâ ki tơx^n, troh nốkố, á hiăng hbleăng, pong, rơgi pro châ sap ing 60 troh 70 to um ki kân. A Gialai, á hiăng hnê tơdroăng hbleăng, pong, rơgi loăng kố ăm mâu vâi droh rơtăm a mâu rơring }ư\ Pưh [ă Đức Cơ, Plei Kép (pơlê kong kơdrâm Plei Ku). Xua ti mê, khu kăn pơkuâ ngăn [ă tơnêi têa hiăng pôk á chiâng nge# nhân ưu tu\. Drêng lâi mâu vâi muăn vâ chiâng pong rơgi loăng, mê á xuân pơtối hnê ăm vâi mơhriâm ‘na tơdroăng kố.

Êng: Tung hơnăm 2017 kố, pôa ai tơmiât pro ki klâi vâ pơtối rak vế, hnê tối ‘na tơdroăng hbleăng, pong rơhgi pro um ăm tơnâp kiâ dêi hdroâng Jarai?

Pôa Ksor Nao: Dế nôkố, mơhno mơjiâng túa le\m tro ‘na pong rơgi pro um a tơnâp kiâ vâ môi tiah rế hía lôi, pá ai rak vế xếo tung tơdroăng rêh kâ ối dêi hdroâng mơngế Jarai. La á xuân ối pói rơhêng vâ [ă tơbâ troh tơdroăng ki le\m tro mê vâ mơhno tối ăm kuăn pơlê ối chúa vế Mơd^ng Lôi tơnâp kiâ xua cho tơdroăng ki nôu pâ, jâ nôa roh nah hiăng hnê ‘măn ăm. Á pói vâ kơ’nâi ah, vâi krâ-nho\ng o pôi tá piu lôi tơdroăng ki mơjiâng pro um tơnâp kiâ kố, xua mê cho khôi túa mơhno mơjiâng túa le\m tro dêi nôu pâ, jâ pôa pin roh nah. Mê cho ki xiâm ki kal má môi. Hơnăm 2017 vâ chê troh, á pói vâ pro môi toăng hngêi tiah túa vâi krâ nah vâ chôu ‘măn mâu um ki á hiăng bro, vâ tơbâ vế ‘na mơhno mơjiâng túa le\m tro dêi mơngế Jarai pin. Mê cho môi tíu ki mơđah tơbleăng ăm tơmối tung tơnêi têa pin [ă kong têa ê vâ ngăn, châ hlo um ki pong rơgi ing loăng, mơhno tối, tơbleăng khe\n ăm vâi ‘nâi hlê ple\ng ‘na mơhno mơjiâng túa le\m tro dêi hdroâng Jarai. Pak^ng mê  nếo, ai mâu kong pơlê, tơring ki lâi kal vâ hriâm hbleăng, pong, rơgi loăng kô troh akố á kô hnê vâi.

Hôm, mơnê kơ pôa hên.

Nhat Lisa tơplôu [ă tơbleăng