VOV4.Sêdang - Pôa Bùi Thanh Sơn, Ngế xiâm tơpui kân hiăng ai rôh tơpui phôn ƀă pôa Marc Garneau, Ngế xiâm tơpui kâ kong têa Canada. Pôa Bùi  Thanh Sơn tối nhên, Việt Nam tối Canada mơdêk tơdroăng tơrŭm cheăng ƀă ASEAN ƀă Việt Nam; rơkâu mâu tơdroăng pêi pro dêi Canada tung pêi pro mơdât pơreăng COVID-19; mơnê mâu tơdroăng ki mơ-eăm dêi Canada ‘măn ăm Việt Nam tung ‘mâi mơnhông kong  prâi a Tơdế tơnêi têa Việt Nam ƀă hbrâ mơdât pơreăng COVID-19, malối tung tơdroăng pâk vaccine.

Peăng tơná, pôa Garneau, Ngế xiâm tơpui kâ kong têa Canada tối nếo tơdroăng tơhrâ kô kum Việt Nam ƀă mâu kong têa tung kơpong châ xúa pâk vaccine mơdât COVID-19. Pêi tơdroăng cheăng troh leh tơbâ 50 hơnăm mơjiâng tơrŭm cheăng tơpui kâ pơla hơnăm 1973- 2023, péa ngế xiâm tơpui kâ tơhrâ kal ai pơkâ nhên vâ mơdêk tơrŭm cheăng tê mơdró pơla péa pâ tâk 8 rơtal dollars tung hơnăm la ngiâ, mơhnhôk khu mơdró péa tơnêi têa xúa rôh kĭ tơhrâ CPTPP, mơdêk tơrŭm cheăng hnê hriâm, po rơdâ tơrŭm cheăng tung mâu tơdroăng liăn ngân, cheăng kâ kơxô̆, pơ’lêh hriăn plĕng ki nếo ƀă hên ki ê.

Gương tơplôu ƀă tơbleăng