VOV4.Sêdang - Kơ’nâi tối ai môi ngế dương tính ƀă SARS –CoV -2 dế pêi cheăng a Hngêi pơkeăng tơring Lak, kơvâ ngăn pơkeăng kong pơlê Dak Lak hiăng pơtroh hlá mơ-eá thế klâ krê kơpong hngêi pơkeăng tơring Lak vâ thâ tơbleăng mâu tơdroăng pêi pro hbrâ mơdât pơreăng. Tơdrêng ƀă tơdroăng klâ krê vâ kring vế Hngêi pơkeăng tơring Lak, Khu ngăn pơkeăng Dak Lak tơbleăng thế pêi pro tơdrêng tăng ngăn, klâ krê, khăm ngăn tâi tâng mâu ngế ki pơlât a hngêi pơkeăng, mâu ngế troh ngăn mơngế ki pơlât, tá mâu ngế cheăng ngăn pơkeăng, mâu ngế pêi cheăng akố, mâu ngế rak ngăn mâu ki châi ta mo dế pơlât a hngêi pơkeăng, sap 19h hâi lơ 2/7/2021 ta troh drêng tối tơbleăng nếo ah.

Kăn ƀô̆ ngăn pơkeăng khăm xo mơheăm mâu ngế ki koi pơlât ƀă mâu nhŏng o ngế ki koi pơlât a hngêi pơkeăng tơring Lak

Xôh pơkeăng kơdê pơreăng ăm tâi tâng a Hngêi pơkeăng tơring Lak tung kơmăng lơ 2/7. Ngế ki dương tính ƀă SARS –CoV -2 cho ngế cheăng khăm pơlât dế pêi cheăng a kơpong klâ krê tơchoâm a tíu xiâm dêi hngêi pơkeăng tơring Lak. Ngế ki kố cho F1 dêi ngế ki tâ tú pơreăng kơxô̆15921.

Gương tơplôu ƀă tơbleăng