Tung [a\ng deăng dâng 5 hectar, ngoh Bùi Đức Hạnh, ối a thôn 2, cheăm Dak NDrot, tơring Dak Mil pêt tơvât 200 xiâm loăng plâi sầu riêng. Maluâ plâi kơtóu hên, laga yă tê plâi sầu riêng ki ai tro rơnó ga rơpâ liăn, lo liăn ôh tá châ hên tiô hiâm mơno pói vâ.

Tơmiât hên drăng mê, ngoh ti tăng hriăn ple\ng, hriâm ‘na kih thuât pêi pêt sầu riêng ai plâi ôh tá tro rơnó. Klêi kơ’nâi hriăn ple\ng nhên, ngoh hơ’lêh pro tâi tâng loăng plâi sầu riêng tung kơdrum. Tung rơnó hdrối kố nah, ngoh hiăng khên tơnôu tah tâi tâng reăng sầu riêng tung kơdrum vâ ăm reăng tơhnhâ  a rơnó kơ’nâi mê, vâ ai plâi sầu riêng hrá tâ iâ rơnó.

Tơdroăng mê, pro ngoh tơmiât laga hên nho\ng o tâ tâ mê xuân ôh tá loi troăng tơmiât pêi pro dêi ngoh lơ châ tơ-[rê lơ ti lâi. Laga klêi mê, ăm hlo, plâi sầu riêng dêi ngoh tum tro a rơnó ki vâ chê hâi leh têt, plâi xuân kơtóu hên. Ngoh Bùi Đình Hạnh tối:

‘’Nếo pêi hơnăm a poăng mê á tá hâi ‘nâi ti lâi laga nôkố hlo cho tiô pói vâ, plâi ôh tá tro rơnó mê tê châ yă chía kơnâ, tâng plâi tro rơnó tê yă rơpâ. Loăng plâi sầu riêng kơnâ liăn môi tiah nôkố hmâ hlo ai sap 70 troh 80 rơpâu liăn, tro rơnó bú châ 30 rơpâu liăn, môi pu\m 3 troh 4 kilô hiăng châ hr^ng rơpâu liăn’’.

Klêi kơ’nâi tah reăng ki tơhnhâ tro rơnó, ngoh Hạnh rơvât dêi phon [a\ pêi tiô kih thuât rak ngăn khât vâ ăm reăng tơhnhâ ôh tá tro rơnó. Troh nôkố ngoh hiăng chiâng pro loăng plâi ôh tá tro rơnó, la plâi ối kơtóu hên. Loăng plâi kơtóu hên vâ chê 4 tă [a\ plâi ki kân má môi troh 15 kilô. Tâng tro rơnó, plâi sầu riêng bú dâng 25 – 30 rơpâu liăn môi kilô mê rơnó mơ’nui hơnăm, yă plâi sầu riêng hiăng tâk sap 70 – 80 rơpâu liăn môi kilô, tâk 2 xôh tơdế.

Tiô xêo ngăn, rêm xiâm loăng ai dâng 3 tă kô châ 20 rơtuh liăn môi xiâm.

Pôa Lê Khắc Công, Kăn pho\ hnê ngăn Vi [an cheăm Dak NDrot mơnhên tối: Kih thuât rak ngăn loăng sầu riêng plâi tá tro rơnó ôh tá bê pá, laga ki châ tơ-[rê mê cho xua ngế ki pêi chiâk deăng kố khên tơmiât, khên pêi.

Tơdroăng ki rơkê dêi ngoh hiăng kum mơhnhôk kuăn pơlê pêi chiâk deăng tung cheăm tối phá xêh, lâp kong pơlê tối tơchuâm thăm hâk vâ pêi, loi tơngah, vâi khên tơnôu xúa khoa hok kih thuât ki rơkê tung pêi chiâk deăng. Pôa Lê Khắc Công, tối ăm ‘nâi:

‘’Kố cho hdrê loăng sầu riêng a poăng dêi cheăm Dak NDrot, plâi sầu riêng plâi tá tro rơnó tâng pơchông [a\ rơnó ki plâi tro rơnó, mê plâi tá tro rơnó kơtóu hên tâ, la ngiâ khu kăn pơkuâ cheăm kô pơtâng tối, hnê djâ ăm vâi krâ mâu rơpo\ng ai loăng plâi sầu riêng mê thế hriâm kih thuât pêi dêi rơpo\ng ngoh Hạnh, tâng xêo tung kơdrum ngoh Hạnh môi pu\m dâng 4 kilô troh 8 kilô, tâng yă 1 kilô dâng 70 troh 80 rơpâu liăn mê pơchông [a\ sầu riêng tro rơnó mê yă ga kơnâ tâ, pêi lo liăn hên [a\ pói vâ mâu rơpo\ng ki ê thế hriâm [ối túa cheăng ing ngoh Hạnh’’.

A Sa Ly tơplôu [ă tơbleăng