Êng: Ô tie#n sih, klêi krí kơphế, vâi krâ nho\ng o kal thế tơmâng ngăn ‘na tơdroăng klâi [ă kơdrum kơphế dêi rơpo\ng hngêi?

Tie#n sih Nguyễn Văn Nam: Klêi vâi krâ nho\ng o krí, tơdroăng pôe tah tơkâng, hveăng cho kal ‘nâng. Drêng pôe tah tơkâng hveăng pin pôe mâu tơkâng ki ai hdrong kâ, tơkâng ki khăng kho, ki oh tá mo dâi ki oh tá chiâng ai plâi. Pak^ng mê, pin thế pro ti lâi ăm eăng bâ dêi mâ hâi châ trâ ing xo\n troh a tơnêi vâ kum ăm loăng kơphê châ xâp la bâ phuâng. Tung tơdroăng pôe tơkâng mê ai hên tơdroăng ki xúa. Pin pôe tah tơkâng vâ tah tâi ki xiâm pro ai ôa hdrong kâ ‘nhiê ing hơnăm hdrối tung rơnó mêi u ối tung tơnêi. Má péa, pro tơ’lêi hlâu vâ ăm loăng châ hmo\ng tơkâng ki le\m tâ. Má 3, tơku\m trếo kơhiâm ăm loăng, tah hlá loăng tơhyom ăm châ bâ phuâng, tiah mê tơdroăng pôe tah tơkâng cho kal khât.

Êng: Kố cho tung pơla ing rơnó mêi troh rơnó mơdrăng, mơngế ki pêt kơphế kal thế ngăn khât troh kơdê mâu ôa  hdrong  kâ ‘nhiê ki lâi ô tie#n sih?

Tie#n sih Nguyễn Văn Nam: Klêi pôe tơkâng tơdroăng pêi pro má 2 cho rak ngăn ôa hdrong kâ ‘nhiê tung kơdrum kơphế. Hmâ hlo [ă tơdroăng pêi pêt xuân môi tiah mâu tơdroăng ki hơ’lêh hyôh kong prâi nôkố  hlo hên mâu ôa hdrong lo kâ ‘nhiê. Tung mê, mâu ôa hdrong ki hiăng ’nâi sap ing ton nah môi tiah kơmeăn khêi, pro loăng lo têa nheăn, mâu pơreăng ki pro tơkâng plâi gá răng, klêi mê răng rêa hlá. Hmâ hlo mâu pơreăng kố pơxiâm lo kâ ‘nhiê hên tung rơnó mêi la troh nôkố gá u ối rak kăn pơreăng hdrối nah. Tung pơla rơnó mơdrăng ai mâu ôa hdrong lo kâ ‘nhiê, hmâ hlo cho ôa rơbông. Klêi vâi krâ nho\ng o tôh têa, reăng gá tơpo, mâu loăng kô pơxiâm kơ‘muăn plâi kơbâng ah ôa rơbông kâ ‘nhiê plâi xuân môi tiah ôa rơbông kâ ‘nhiê rêi. Klêi mê, môi péa túa ôa hdrong ki u ối tung rơnó hdrối nah môi tiah kơmú pong kâ tơkâng loăng, kơmú pong kâ plâi, vâi krâ nho\ng xuân thế pơkâ tơdroăng vâ rak ngăn dêi kơdrum loăng plâi. ‘Na pơreăng mê, mâu pơreăng ‘na rêi xua kơtâ ôa.

Êng: Tiah mê vâ pôi tá ai ôa hdrong kâ ‘nhiê pơla kố pin thế tơtro\ng ‘na tơdroăng klâi?

Tie#n sih Nguyễn Văn Nam: Vâ rak ngăn ôa hdrong kâ ‘nhiê tung pơla kố, vâi krâ nho\ng o thế tah lôi mâu pơreăng ki u ối tung rơnó hdrối nah, malối cho pơreăng pro lo têa nheăn. Têa nheăn hlo ai tung rơnó mêi, troh pơla kố mâu xiâm pơreăng xuân u ối tung hlá, tâng pin rak ngăn krâu troh rơnó kơ’nâi ah kố ôh tá ai xếo. Tâng rak ngăn ôh tá krâu ing môi tíu ki hiăng ai hdrối a hlá troh rơnó mêi a khế 5 kô ai rơpâu bào tử gá lăm tâ tú ukố umê chiâng môi tiah pơreăng ki nếo. Xua mê, tung pơla kố, pak^ng mâu tơdroăng vâ rak ngăn mâu pơreăng a hlá mê túa pêi pro [ă hoă hok cho kal ‘nâng [ă nôkố pin xuân ai hên mâu túa pơkeăng hoă hok vâ rak ngăn mâu pơreăng a hlá, malối cho pơreăng pro lo têa nheăn.

Êng: Ê, la vâ xôh pơkeăng hbrâ mơdât pơreăng lo têa nheăn tơtro, oh tá xê vâi krâ nho\ng o ki lâi xuân ‘nâi, tie#n sih kô tối pơchân ăm vâi krâ nho\ng o mâu tơdroăng drêng xúa phon rơvât ki xôh ing hlá?

Tie#n sih Nguyễn Văn Nam: Vâi krâ nho\ng o thế xôh ăm bê têa. Vâi krâ nho\ng o ai môi tơdroăng hmâ pêi pro ki oh tá tro, mê cho hmâ mơdêk ki têi dêi pơkeăng la kơdroh têa ki xôh. Pro tiah mê chiâng tơdjâk troh loăng, xua mâu têa pơkeăng xôh kơdroh mê oh tá mot troh a mâu ôa hdrong ki kâ ‘nhiê. Vâ rak ngăn pơreăng ki pro lo têa nheăn ăm tơtro pin thế xôh tá kơpêng [ă pá kơdâm hlá mê gá nếo pơtối rak ki xêt dêi pơkeăng. Má 2 nếo, thế xôh tro tơdroăng: Tâng pin xôh a pơla kơhâi dế kong tô luâ râ klêi xôh trâm kong mêi, têa mêi kô xếo tâi pơkeăng. Ngin hnê tối ăm vâi krâ nho\ng o thế xôh pơkeăng a kơxo má lơ a kơxêi kong sâp vâ pơkeăng pơtối rak vế ki xêt gá.

Hôm mơnê kơ tie#n sih!

Gương prế Katarina Nga tơplôu [ă tơbleăng