Môi tung mâu kơxo# liăn on tơhrik kơdrâ to dêi {uôn Ma Thuột mê cho rơpo\ng ngoh Võ Đức Thiện, kơxo# hngêi 54, troăng Nơ Trang Gưh, bêng Tân Tiến. Ngoh ăm ‘nâi, kơmăi hrik têa dêi rơpo\ng lôi gá kơtâu xêh tiah mê, drêng tro tơtit kơxái chếo mê ôh ti ‘nâi. Mơhúa ngế ki cheăng ‘na on tơhrik hiăng re\ng châ ‘nâi tơdroăng ki mê, la kơxo# liăn on tơhrik dêi rơpo\ng ngoh hiăng to tơ’nôm to lâi hr^ng rơpâu:

‘’Rôh ki mê, á ôh tá ối a hngêi, la tâng krếo phôn ing peăng on tơhrik cho kơxo# k^ on tơhrik rơpo\ng á kơdrâ to. Peăng on tơhrik ai pơtroh ngế lăm séa ngăn ăm rơpo\ng mê hlo kơmăi hrik têa tro tơtit kơxái chếo pro on tơhrik to hên’’.

Mâu ngế cheăng ‘na on tơhrik séa ngăn mâu tơdroăng tâk dêi on tơhrik kuăn pơlê ing troăng kơmăi RF-Spider

Tơdroăng ki kơxo# k^ on tơhrik kơdrâ to dêi rơpo\ng ngoh Thiện châ ‘nâi ing roh lăm chêh xup ngăn k^ on tơhrik sap ing hngế (RF-Spider). Nâ Nguyễn Thị Hoa, ngế ki pơkuâ ‘na tơdroăng ki chêh ‘măn mâu hlá mơéa ph^u – On tơhrik peăng kơnho\ng {uôn Ma Thuột, ăm ‘nâi, sap ing khế 5 troh nôkố, ing troăng ki kố tíu pêi cheăng hiăng châ hlo 32 rơpo\ng kuăn pơlê xúa on tơhrik kơdrâ to. Xua cho mot tung rơnó mê hngê, ai tơro, pro hên tơdroăng xía vâ a troăng kơxái a kong tơhrik [ă kế tơmeăm on tơhrik dêi mâu rơpo\ng. Ai mâu rơpo\ng ki ‘nâ hrá châ hlo, kơxo# liăn on tơhrik to troh 6.800 liăn tung khế 6/2020.

Tiô nâ Hoa, kơmăi RF-Spider rơkê ple\ng nôkố la kal ngế ki vê xup ngăn mê athế tơdrăng séa ngăn rêm hâi vâ châ hlo mâu tơdroăng ki ôh tá tro, pro pá ăm kuăn pơlê ki xúa.

‘’Kơmăi ki kố gá ai pơxúa kal khât la á tơmiât tung pơla pêi cheăng mê ngế ki séa ngăn kơxo# k^ on tơhrik cho kal khât. {ă tơdroăng kố tơkôm tung tơdroăng ki rơkê ple\ng rak ngăn kuăn pơlê dêi tơná. Kơpong ki lâi ki hên cho kăn [o#, mơngế cheăng tung kơ koan, kơpong ki lâi hmâ hrik têa, rơnó ki lâi hrik têa tôh hên kế tơmeăm mê á kô châ ‘nâi ki ôh tá tro. {ă rôh séa ngăn pin tơmiât gá tro má môi á hmâ ngăn a kơxo má [ă a kơxê ngăn tiô kơpong’’.

Kuăn pơlê châ kum kơdroh môi iâ kơxo# liăn on tơhrik klêi kơ’nâi châ ‘nâi tơdroăng tro tơdjâk

Jâ Trương Thị Huệ, kăn pho\ pơkuâ On tơhrik peăng kơnho\ng {uôn Ma Thuột ăm ‘nâi: Drêng châ hlo mâu tơdroăng ki ôh tá tro tung xúa on tơhrik, tíu pêi cheăng hiăng re\ng tơru\m [ă kuăn pơlê tăng xiâm kối [ă mơ’no tối troăng pơkâ tơleăng:

‘’Mâu ngế ki kố peăng on tơhrik hiăng lăm séa ngăn [ă tơdroăng ki krếo phôn lơ séa ngăn kơlo kơxo# vâ châ ‘nâi tơdrêng [ă tơru\m [ă kuăn pơlê pơkâ tơleăng; mê hiăng tăng hlo mâu xiâm kối cho xua kơpong ki tro tơtit troăng kơxái peăng pá ro\ng kong tơ, lơ tơdroăng ki mâu kế tơmeăm tung hngêi môi tiah mô-tơ on tơhrik, lơ on tơhrik tro tơtit troh kuâ hngêi [ă hên ki ê. Mê on tơhrik xuân hiăng tơru\m tối nhên ăm kuăn pơlê, tơdrêng amê hnối pêi pro to\ng kum ‘mâi rơnêu ăm kuăn pơlê môi kơxo# liăn ki tơxâng [ă kơxo# k^ on tơhrik ki tro tơtit mê.

Liăn on tơhrik to troh 6,8 rơtuh cho xua ôh tá ‘nâi troăng kơxái peăng pa ro\ng kong-tơ tro kơnái kâ hrê, tơtit kơxái kân

Kơmăi ki xup xo kơxo# k^ on tơhrik sap ing hngế (RF-SPIDER) châ mơjiâng xua môi troăng mâu kong tơ on tơhrik mơni kô chiâng vâ tơdjêp [ă dêi rơpó ho\ng hyôh vô tuyến. Troh nôkố, lâp kong pơlê Dak Lak hiăng krâ ‘măn kong-tơ on tơhrik ăm lối tơdế rơpo\ng. Tiô pôa Tạ Minh, kăn pho\ pơkuâ Ko\ng ti on tơhrik Dak Lak, ing kơmăi ki xup RF-Spider, ôh ti xê to kơvâ on tơhrik mê kuăn pơlê xuân chiâng vâ séa ngăn kơxo# k^ on tơhrik ki rơpo\ng xúa ing phôn râng ko\ng. On tơhrik Dak Lak dế pơtối ‘no liăn pro hơ’lêh kế tơmeăm [ă mơdêk hnoăng cheăng dêi rêm ngế cheăng vâ pro tơdrăng tung mơdró.

‘’Ối 30% rơpo\ng tá hâi châ xúa kong tơ on tơhrik mê ngin kô mơ-eăm tâ hnoăng cheăng dêi mâu rơpo\ng krê tung hnoăng cheăng rak ngăn tơdroăng ki chêh kơlo kơxo# kong-tơ [ă pơtroh ph^u liăn on tơhrik. Tiô pơkâ tung hơnăm 2021 – 2022 mê ngin kô xúa kong-tơ on tơhrik ăm tâi tâng kuăn pơlê’’.

Minh Huệ chêh

Katarina Nga tơplôu [ă tơbleăng