VOV4.Sêdang - Kơxo lơ 9/7, 580.000 klŏng pơkeăng vaccine COVID 19 dêi AstraZeneca tiô tơkêa kok rôe dêi Tơdroăng pâk vaccine VNVC hiăng hdrâp chu tơraih tơƀai lâp plâi tơnêi Tân Sơn Nhất. Ƀă 580.000 klŏng pơkeăng vaccine VNVC cho roh pơcháu pơkeăng má pái tung tơkêa 30 rơtuh klŏng pơkeăng ki Kŏng ti pêi cheăng tiô rơnó Vaccine Việt Nam dó inâi VNVC kok rôe hdrối dêi AstraZeneca, kơ’nâi mê pơcháu tiô pơkâ ôh tá êa xo liăn ăm Khu xiâm pơkuâ ngăn pơkeăng ƀă khăm pơlât. Kơxô̆ vaccine roh kố kô pơtối châ pơcháu ôh tá êa xo liăn ăm Khu xiâm ngăn pơkeăng ƀă khăm pơlât, vâ teăm tơdrêng pêi pro pâk pơkeăng ăm kuăn pơlê, ki rơhêng vâ tối cho mâu kơpong ai pơreăng nôkố.

Mơnhên ngăn vaccine AstraZeneca

Pakĭng mê, VNVC xuân tơkêa rơtế tung tơdroăng tơdah vaccine ing khu mơjiâng pro AstraZeneca troh drêng pơcháu. Xuân tung kơxo lơ 9/7, 400 rơpâu klŏng pơkeăng dêi Nhuk tŏng kum hiăng troh a tơraih tơƀai Tân Sơn Nhất. Kố cho kơxô̆ vaccine ối tung 2 rơtuh klŏng pơkeăng vaccine Nhuk tŏng kum ôh tá kal tơvêh ăm Việt Nam.

A Sa Ly tơplôu ƀă tơbleăng