VOV4.Sêdang - Kơxê lơ 3/6, a Tíu pêi cheăng Chin phuh, pôa Vũ Đức Đam, Ngế pro xiâm pho\ hnê ngăn tơnêi têa pơkuâ roh hôp tơpui tơno mâu troăng pêi hơ’leh tơdroăng tơmối ôm hyô tung hneăng nôkố, ki rơhêng vâ tối klêi kơ’nâi pro pơhôi tung klâ ối kơtăn pơlê pơla sap ing mơ’nui khế 4 kố nah. Sap apoăng hơnăm troh nôkố, kơxo# tơmối lâp plâi tơnêi troh a Việt Nam bu châ 3 rơtuh 700 rơpâu roh, kơdroh tơdế tâng pơchông [a\ roh kố hơnăm nah.

Kơxo# tơmối tung tơnêi têa kơdroh vâ chê lối tơdế. Châ kơxo# liăn ing ôm hyô bu châ lối 150 rơpâu rơtal liăn, kơdroh vâ chê tơdế tâng pơchông [a\ roh kố hơnăm nah. Klêi kơ’nâi mâu pơkâ ‘na ăm ối kơtăn pơlê pơla châ pro pơhôi sap ing mơ’nui khế 4/2020, tơdroăng ôm hyô hiăng châ mơnhông, laga, tơdroăng ôm hyô Lâp plâi tơnêi hiăng chôa ‘lâng sap ing khế 3 hơnăm kố.

A roh hôp, mâu khu tê mơdró tối, Chin phuh kal tơbleăng troăng hơlâ to\ng kum ăm mâu ko\ng ti ôm hyô, mơnhông ăm kơvâ ôm hyô. Tối hdrối ‘na kơxo# tơmối ôm hyô hơnăm kố, drêng mâu tơdroăng mơhnhôk ôm hyô [a\ troăng kơdroh yă, tơdroăng mơhnôk châ po rơdâ, tơmối ôm hyô tung tơnêi têa kô châ dâng 50 – 60 rơtuh roh.

A Sa Ly tơplôu [a\ tơbleăng