VOV4.Sêdang - Việt Nam hâk kơde\n troăng tơmiât pêi pro dêi EU môi tuăn tơniăn le\m, kring vế, gak ngăn tơniăn pơto tơmeăm khoăng a têa kơx^ Biển Đông, pơkâ thế peăng EU pơtối veăng tung tơdroăng rak tơniăn hơniâp le\m, tơniăn, nhuo#m luât [a\ nhuo#m UNCLOS 1982, hnoăng [a\ ki pơxúa tiô luât pơla mâu kong têa a Biển Đông.

Việt Nam hâk kơde\n troăng tơmiât pêi pro dêi EU ‘na têa kơx^ Biển Đông 

Mê cho rơkong tơpui dêi pôa Phạm Bình Minh, Ngế pro xiâm pho\ hnê ngăn tơnêi têa, Ngế xiâm tơpui kâ tơnêi têa pin klêi kơ’nâi roh tơpui phôn [a\ Kăn teăng mâ xiâm dêi EU ‘na troăng hơlâ tơpui kâ [a\ kring vế. Jâ Federica Mogherini, Kăn xiâm pho\ hnê ngăn Vi [an châu Âu a Hà Nội hâi lơ 5/8 hiăng ai tối, péa pâ môi tuăn mâu troăng mơnhông mơdêk tơtro dêi tơru\m cheăng Việt Nam – EU tối tơdjuôm [a\ tơru\m cheăng pơla Việt Nam [a\ mâu kong têa ki tơru\m cheăng EU tối phá xêh tung mâu kơvâ cheăng, ki rơhêng vâ tối cho tơdroăng cheăng kâ, tê mơdró [a\ mơ’no liăn cheăng.

EU nôkố cho khu tơru\m cheăng tê mơdró kân má 4 dêi Việt Nam, tơdrêng amê, cho khu tơru\m cheăng ki to\ng kum kơxo# liăn hên má môi ăm Việt Nam ôh tá êa tơvêh [a\ kơxo# liăn 400 rơtuh euro hneăng 2014 – 2020. Nếo achê kố, péa pâ hiăng k^ tơkêa tê mơdró tơ’lêi hlâu dó inâi EVFTA [a\ tơdroăng tơkêa to\ng kum mơ’no liăn cheăng dó inâi EVIPA vâ thăm tơru\m cheăng kâ tê mơdró; mơnhên tơkêa dêi péa pâ môi tuăn tê mơdró tơ’lêi hlâu, tơdâng tơ’mô [a\ tơdrăng xuân môi tiah mơ-eăm thăm tơru\m cheăng kơpong châu Á – Âu.

   A Sa Ly tơplôu [a\ tơbleăng