VOV4.Sêdang - Kơxo lơ 20/7, pôa Nguyễn Quốc Dũng, Ngế xiâm pho\ tơpui kâ [a\ kong têa ê, Kăn xiâm pơkuâ SOM ASEAN dêi Việt Nam hiăng pơkuâ roh hôp dêi khu tơru\m cheăng ‘na Troăng pêi ton xo\n la ngiâ mâu kong têa tung ASEAN klêi kơ’nâi hơnăm 2025 tiô troăng mơ’no tơdrêng tung um tơvi.

Tơpui tơno a roh hôp, mâu kong têa ASEAN kheăn kơdeăn pơkâ dêi Kăn xiâm hnê ngăn Việt Nam, mơnhên kô tơru\m krá tơniăn rơtế Việt Nam tung tơdroăng tơpui tơno, kum mơnhên inhên troăng mơnhông mơdêk tơtro ăm mâu kong têa tung ASEAN tung la ngiâ. Mâu kong têa pơkâ thế troăng pêi ton xo\n la ngiâ mâu kong têa ASEAN klêi hơnăm 2025 kal tu\m mâu tơdroăng xiâm ‘na hơ’leh tung pêi cheăng xúa kơmăi kơmok, tơniăn troăng măng internet, kong prâi hơ’leh, mơnhông mơdêk tâi tâng, thăm mơnhông khôi túa le\m ASEAN.

Pôa Nguyễn Quốc Dũng xuân pơkâ thế, troăng pêi ton xo\n la ngiâ mâu kong têa tung ASEAN klêi kơ’nâi hơnăm 2025 kal mơnhên inhên pơkâ pêi xiâm, pơkâ pêi [a\ tơdroăng pêi, tơtro [a\ Luât dêi ASEAN.

            A Sa Ly tơplôu [a\ tơbleăng