{ă túa nge# thuât to\n chêng tơgôu koăng, a tơrêm hdroâng kuăn ngo ga pơrá ai tơdroăng ki krê dêi xêh, mơngế Mơ Nâm xuân môi tiah mê, chêng koăng ing tơná ga hiăng ai xêh túa ki krê xêh. Thăm nếo, rơtế môi tiah hdroâng Mơ Nâm, la a mâu pơlê cheăm ki ê, túa ki to\n, tơgôu, tơdrá, rơ-rêk, idrâp ga xuân vâ pơrá phá dêi pó iâ há. A tơrêm tơdrá, pơkal ngế ki to\n chêng koăng mê athế ai túa ki phá krê xêh, cho tuăn mơno, cho mơhúa dêi kơpong tơnêi tíu ki mê.

Pôa A Vơng, krâ pơlê a thôn Kon Ke 1, pơlê kân Măng Deăng, tơring Kon Plong, kong pơlê Kon Tum cho môi ngế hiăng rêh ối đi đo [ă idrâp chêng koăng dêi mơngế Mơ Nâm. Pôa A Vơng tối tiah kố: ‘’Tung tơdroăng rêh kâ ối dêi mơngế Mơ Nâm ôh tá păng lôi idrâp chêng koăng. Ga hiăng hmâ [ă tơdroăng rêh kâ ối rêm hâi ngin, tá troh a mâu hâi leh mơd^ng, khôi túa, vêa vong dêi hdroâng mơngế…’’.

Hdroâng kuăn ngo Mơ Nâm, tơring Kon Plong to\n chêng tơgôu koăng, hlu\m rơvo\ng mơhno tối túa le\m tro dêi kuăn ngo ăm tơmối ngăn tơmâng

Mơngế Mơ Nâm ai 2 kơtum chêng koăng ki xiâm, mê cho kơtum ki ai 4 kơtâ [ă 11 kơtâ chêng. Kơtum ki ai 4 kơtâ chêng ga ai 8 ngế vâi krâ ki veăng to\n, hmâ hlo vâi hmâ to\n dêi tung rơpo\ng hngêi, vâ mơđah ăm tơdroăng ki leh mơd^ng, môi tiah: T^ng to hngêi nếo, leh mơd^ng ki kân dêi pơlê cheăm, ki rơhêng vâ tối má môi mê cho leh mơd^ng to hngêi nếo, mot kuât nếo [ă hên mâu tơdroăng ki ê. Vâ chiâng xúa chêng koăng ki 11 kơtâ mê, ngế ki to\n chêng tơgôu koăng athế hlê ple\ng nhên, rơbot, rơkê khât tung to\n chêng tơgôu koăng, kal athế hlê ple\ng nhên vâ hriâm; [ă kơtum chêng 4 kơtâ mê ga tơ’lêi hlâu tâ, mâu tơdrá ôh tá luâ pá ga ối vâ mơhno tối tơdroăng ki ai pơxúa kân khât troh tơdroăng rêh kâ ối dêi kuăn pơlê.

 {ă hdroâng mơngế Mơ Nâm, chêng koăng ti xê to tơmeăm khoăng ki vâ kum ăm mâu roh leh mơd^ng a pơlê cheăm, mê tơná ga ối cho ki xiâm ai tơdroăng leh mơd^ng. Ki rơhêng vâ tối, môi tiah t^ng hâk kâ báu nếo, mơngế Mơ Nâm kô pôe mơheăm í vâ xế ăm báu, a phái [ă pik, bliu a mâu kơtum chêng koăng tung leh mơd^ng. Khôi túa ki kố cho vâ mơhno tối tơdroăng ki pói vâ dêi kuăn pơlê [ă khu xeăng, rơkâu pâ môi rơnó ki châ xuâ báu hên, châ pêi lo hên kế tơmeăm. Lơ tung leh to hngêi nếo, klêi kơ’nâi bliu mơheăm chu a trăng hngêi, mê mơngế Mơ Nâm xuân pik mơheăm a chêng koăng, tiô kơ tơdroăng ki hmâ loi dêi hdroâng kuăn ngo akố, cho vâ rak vế kế tơmeăm tung hngêi ôh tá hía, xua sap ing ton t^n nah, mâu chêng koăng mê hiăng châ ngăn cho tơmeăm ki kơnía git, hngêi ki lâi ai hên chêng koăng tơkéa vâ tối cho kro mơdro\ng, châ mơngế ki ê mơnê nhuo#m.

Pôa A Vơng hiăng rak vế, xut krúa dêi chêng koăng tơná

Tiô tơdroăng ki hmâ loi dêi mơngế Mơ Nâm, chêng koăng cho tơmeăm ki vâ tơpui tơno [ă xeăng. Tung mâu hâi leh mơd^ng, vâi krâ, nho\ng o mơhno tối hiâm mơno tơná pói rơhêng vâ kơnôm ing tơdrâp chêng koăng, pói rơhêng vâ tơdroăng to\ng kum, veăng ngăn khât dêi xeăng. Pak^ng mê, ti xê to tơdroăng ki vâ mơhno tối ki t^ng, rơkâu xối xeăng, mê ối cho vâ tối ki kơnía git dêi chêng koăng, ôi châ mơhno tối ăm pơlê pơla. Tung tơdroăng rêh kâ ối rêm hâi, drêng idrâp chêng koăng châ chuât xơtó mê cho rêm ngế ki tơku\m dêi pó. Kơnôm ing tơdroăng ki mê, hiăng mơhno tối ki tơru\m krá kâk khât dêi rêm ngế.

Vâi hmâ tối mơnhên, séa ngăn ki dâi le\m dêi khu kơtum chêng koăng ngăn tiô kơ idrâp chuât. Môi kơtum chêng koăng ki ai tơdrá tơtro, cho khu chêng koăng ki châ pro ing meăm hlái ki tơtro khât, drêng pin to\n, idrâp chuât ga kô xơtó, chuât tơleăng, ga pơtroh idrâp chuât prông lơ chuât pro\ng. {ă mâu kơtum chêng koăng ki ôh tá dâi, xua tơdroăng ki tơvât pơla khu meăm hlái, drêng to\n tung mâu khế apoăng ga tro, la troh mâu khế mơ’nui mê, ga kô tri tróu, idrâp chêng koăng mê rế hía rế ôh tá tro.

Pôa A Vơng tối tiah kố: Môi ngế ki to\n chêng tơgôu koăng tâng châ pơ-ô cho ngế ki rơkê khât, vâi ki mê rơbot tung hiâm tuăn nhên mâu tơdrá chêng koăng, thăm nếo, to\n tơgôu xuân rơkê khât. A tơrêm tơdrá, athế hlê ple\ng nhên rơ-rêk, ki tơru\m [ă mâu khu ngế ki to\n, cho mâu ngế ối tung khu to\n chêng tơgôu koăng ki vâ to\n, ôh tá chiâng khoh to\n bro rơ-rêk phá tơ-ê. Xua ti mê, vâ chiâng mơngế ki to\n chêng, tơgôu koăng rơkê ôh tá xê hlâu, ki kal akố, kal ai tơdroăng tơru\m, kơhnâ khât [ă ai tơdroăng ki hâk mơnâ vâ git kơ chêng koăng.

Tâng vâ tối, [ă mơngế Mơ Nâm, túa to\n chêng tơgôu koăng mê cho mâu ki kơnía git ‘na mơhno túa le\m tro ki châ mơnê nhuo#m, châ rak vế ngăn, ‘măn chôu ing to lâi rơxông. Dế nôkố, vâ veăng kum rơtế [ă vâi krâ-nho\ng o pơtối châ rak vế, chôu ‘măn ki kơnía git ki le\m tro dêi chêng koăng, tơring Kon Plông hiăng kơhnâ khât tung rak vế, pêi pro tiô troăng hơlâ kring vế, [ă mơnhông túa nge# thuât kố. Tơring hiăng tơru\m [ă mâu ngế vâi krâ-nho\ng o ki hnê mơhno to\n chêng tơgôu koăng, pơtối rak vế leh mơd^ng ki tơtro khât, mơjiâng mâu pơlê mơhno túa le\m tro, mơjiâng khu to\n chêng tơgôu koăng a tơring kố, vâ mơđah mâu tơdroăng ki tơmối mot ôm hyô châ pơtối pêi lo liăn ngân ăm mâu ngế ki to\n chêng tơgôu koăng. Ing mê, idrâp chêng koăng dêi mơngế Mơ Nâm đi đo chuât xơtó đi đo tung kong kế, ngo ngối Trường Sơn ki krip krih [ă le\m ro.

Tất Thành chêh

Nhat Lisa tơplôu [ă tơbleăng