Y Jang Tuyn cho mơngế hdroâng Bơhnéa, xah hơdruê xuâng sap ing ối ku\n. Pâ cho ngế xuâng dêi Khu nge# thuât Dam San, Y Jang Tuyn ai roh tơ’lêi châ trâm mâ mâu nge# sih, nge# nhân, tơdroăng hơdruê xuâng dêi Tây Nguyên mot tung châ, mơheăm xông kân rơtế [ă Y Jang Yuyn. Mê Y Jang Tuyn tối tiah kố:

‘’Sap ing ối ku\n Y Jang Tuyn veăng hên roh tơ’noăng, 6 hơnăm hiăng to mơđah hơdruê xuâng, ing mê Tuyn veăng tung hơdruê, hơnăm 14 hơnăm Tuyn hiăng veăng tơ’noăng mâu roh tơ’noăng lâp tơnêi têa, pơtih cho roh tơ’noăng Festival mâu hngêi trung hdroâng kuăn ngo ai tíu kâ koi ối pơtê, châ kâ mê dái mêa hơdruê [a\ rêi têng nêng’’.

Y Jang Tuyn vâ chiâng môi ngế ca sih. Mê xuân cho troăng prôk ki pá puât. Thế tơ’noăng hên Y Jang Tuyn tơ’noăng châ kâ tung roh tơ’noăng Sao Mai 2001, roh tơ’noăng hơdruê mơ’no tung um tơvi Pơlê kong kân Hồ Chí Minh hiăng pro hên ngế ki ngăn hâk vâ [a\ Y Jang Tuyn ai rơkong hơdruê prông, ro tơnia, rơdêi, mơhno tơdroăng hơdruê Tây Nguyên.

{a\ hâk vâ hơdruê xuâng, mơgêi Đại học Văn hóa Hà Nội, Y Jang Tyun mơnúa pro nhak sih. Ngoh hiăng pro hên tơdroăng hơdruê xuâng, MV, tơdroăng hơdruê tu\m têk, mâu pơlê xiâm, [a\ ki rơhêng vâ tối tơdroăng hơdruê ‘na kơpong tơbăng rơdâ, ‘na tơ’noăng ivá [a\ têa kơx^. Troh nôkố Y Jang Tuyn hiăng pro hên mâu album, môi tiah: ‘’Nẻo quê’’ (2005 rơtế ca sih Trang Nhung), ‘’Khát’’ (2006), ‘’Nỗi nhớ cao nguyên’’ (2013), ‘’Ngin mâu lêng gâk kring têa kơx^’’ (2013); ‘’Hoan ca mùa xuân’’ (2015), ‘’Mâu um méa pơlê xiâm’’ (2015); ‘’1 măng t^ng 7 hâi’’ (2016)…’’Hát lên nào’’, ‘’Còn lại gì’’, ‘’Em gái Cao Nguyên’’, ‘’Tôi là Park Hang Seo (2019)… {a\ Y Jang Tuyn hiăng châ hên pri hơdruê xuâng.

Y Jang Tuyn tối:

‘’Drêng mê nah, Y Tuyn mơnhên môi tơdroăng ôh tá chiâng vâ lôi hơdruê xuâng, mê cho tơdroăng rêh, hiâm mơno mơhnhôk hên ăm Tuyn tung tơdroăng rêh ối’’.

Hơnăm 2017 Y Jang Tuyn hiăng pro liveshow tơbâ 20 hơnăm hơdruê xuâng dêi tơná. Mơhé rêh hơngế pơlê kơpong tơbăng rơdâ, laga mâu tơdroăng ki tơbâ, tơdroăng pâ nhuo#m xuân ai tung hiâm mơno Y Jang Tuyn, vâ pro mâu tơdroăng hơdruê xuâng mơhno kơpong tơbăng rơdâ. Pak^ng Album mơhno ki tu\m têk tơdroăng chêh bro dêi Y Jang Tuyn [a\ tu\m tơdroăng tơdrá môi tiah: Pop Ballad, Dance, Funky, Latin (Cha cha cha, Tango, Samba…) Y Jang Tuyn xuân hiăng chêh hên tơdroăng hơdruê vâi krâ nah dêi Tây Nguyên.

‘’Tung mâu [ai chêh dêi Y Jang Tuyn ai chêh pơrá phá dêi pó, chêh hên kơpong phá dêi pó. Laga tơdrá Tây Nguyên châ Y Jang Tuyn chêh hên, chêh ‘na pơlê dêi tơná, á ôh tá păng piu lôi. Tơdroăng nhuo#m pâ [a\ kơbong tơbăng dêi tơná cho trâu hơngế. Rêm túa tơdroăng hơdruê Y Jang Tuyn xuân mơ-eăm kêi đeăng, tung mê, ai tơdroăng hơdruê Tây Nguyên đi đo cho tơdroăng ki Y Jang Tuyn vâ chêh hên, vâ pơtroh ăm mâu ngế ki tơmâng hên mâu tơdroăng hơdruê’’.

{a\ mâu tơdroăng veăng kum tung tơdroăng hơdruê Việt Nam, ca sih Y Jang Tuyn hiăng châ hên pri dêi Tơnêi têa, Khu pơkuâ nhak sih Việt Nam, pak^ng mâu pri tung hơdruê xuâng, tung chêh bro Y Jang Tyun châ kâ pri dêi Khu xiâm pơkuâ ‘na pêi chiâk deăng [a\ mơnhông thôn pơlê hơnăm 2016 [a\ tơdroăng hơdruê tơdrá Peăng Hdroh ‘’Miền đất quê em’’; châ kâ pri ối má péa [a\ tơdroăng hơdruê tơdrá kơpong Tây Bắc ‘’Cùng em về Lào Cai’’ châ kâ pri ối má péa tung roh mơhnhôk chêh ‘na Lào Cai…

Cho môi ngế ối nếo, pêi cheăng hên kơvâ, Y Jang Tyun đi đo mơ-eăm djâ troh ăm mâu ngế tơmâng, ngăn mâu tơdroăng hơdruê ki ro tơniâ má môi. {a\, ôh tá păng lôi, xuân ôh tá tiah mơngế ki ê, mê cho mâu tơdroăng hơdruê dêi pơlê xiâm, ‘na Tây Nguyên hâk mơnâ:

‘’Krê [a\ tơdroăng hơdruê Tây Nguyên mê pơlê xiâm dêi Y Jang Tuyn, rêm tơdroăng hơdruê, tơdroăng nhuo#m pâ phá tơ-ê dêi pó, tơdroăng hơdruê ki lâi xuân hâk vâ. Cao Nguyên mê Y Jang Tuyn hiăng chêh hên tơdroăng hơdruê, ki rơhêng tơdroăng hơdruê tung Album ‘’Nỗi nhớ cao nguyên’’. Môi tơdroăng hơdruê ki phá tơ-ê dêi Y Jang Tuyn chêh ăm H’Hen Niê drêng gá châ top 5 Ngế droh rơduăng le\m má môi lâp plâi tơnêi a kong têa Siam. Mê cho tơdroăng hơdruê ‘’Em gái cao nguyên’’. Kố cho môi tơdroăng hơdruê Y Jang Tuyn tâ sôk ro drêng hơdruê tá hiâm mơno dêi tơná ăm mơngế cao nguyên tối krê [a\ mơngế Việt Nam tối tơdjuôm châ kâ a roh tơ’noăng ngế droh rơduăng le\m lâp plâi tơnêi. Kố cho tơdroăng ki sôk ro kân dêi hdroâng mơngế pin’’./.

H’Za Wut rah chêh

A Sa Ly tơplôu [a\ tơbleăng