Kô cho tơdrá ki hơniâp ro dêi [ai eirei tiô tơdrá dêi hdroâng Rơđế xua Y Thu Êban hlu\m a roh Tơ’noăng hlu\m khie#n dêi khu droh rơtăm kong pơlê Daklak, hơdruê xuâng tiô tơdrá vâi krâ, [ă hnối rêi, hlu\m mâu prôa kuăn ngo a khế 10 pơla hdrối kố nah. {ai ki o hlu\m mê hiăng veăng kum ăm Khu Đoân droh rơtăm pơlê kong kơdrâm Buôn Ma Thuột châ ối má môi tung tâi tâng khu.

Kot mâ [ă xông kân tung môi rơpo\ng ki hiăng hmâ [ă tơdroăng hơdruê xuâng, rêi prôa sap ing tơx^n nah, Y Thu hiăng hmâ tơmâng tâng dêi mâu rơkong hơdruê lông dêi nôu, idrâp khie#n đing năm, klo\ng đing pah dêi pâ cho Y Thim. Dế 6 hơnăm nah, o châ dêi pâ hnê túa ki rêi, hlu\m mâu prôa dêi hdroâng kuăn ngo tơná. Drêng tá hâi châ 8 hơnăm, roh apoăng o tôu tơrưng, Y Thu hiăng châ kâ pri cho ngế ki rơkê hơnăm ối kuăn tung Hneăng tơ’noăng tôu chêng, to\n koăng, hơdruê xuâng [ă rơnuâ hmân ếo pơtâk dêi rêm hdroâng kuăn ngo kong pơlê Daklak a hơnăm 2008 nah.

Troh nôkố, Y Thu hiăng chiâng rêi, hlu\m 7 to prôa, khie#n dêi kuăn ngo Tây Nguyên. O hmâ châ mâu vâi krâ ki rơkê djâ lăm mơđah troh mâu kong pơlê, pơlê kong kân tung lâp tơnêi têa. Y Thu tối, tơdrá dêi kuăn ngo Tây Nguyên cho tơdroăng ki ga git vâ păng ‘nâng:

‘’Drêng ối tơx^n nah, pâ á hnê tăm á tôu klo\ng đing pah. Á hiăng mơhriâm [ă hiăng chiâng vâ tôu. Á chiâng tôu, rêi, hlu\m 7 to prôa, khie#n dêi kuăn ngo. Á xuân hiăng hmâ lăm mơđah hên tíu. Drêng tung hiâm mơno hiăng hâk git mê á mơhriâm tơ’lêi ‘nâng. Tâng ôh tá ai tơdroăng ki hâk git kô ôh tá rơhêng vâ hriâm [ă kô ôh tá kâi châ tơkâ hluâ tơdroăng ki pá’’.

Mơnhên tối ‘na tơdroăng ki rơkê dêi Y Thu, ngoh Y Xuyên Êban, kăn pơkuâ ngăn khu to\n chêng dêi [uôn Ea Bông, cheăm }ư\ Êbur tối ăm ‘nâi: Maluâ hơnăm o ối iâ la cho ngế ki kal tung khu to\n chêng hơnăm ối nếo dêi cheăm Ea Bông:

‘’Á hâk tơngăm kơ muăn Y Thu păng ‘nâng. Sap ing tơx^n nah, ga hiăng hriâm to\n tơrưng, hlu\m đing buôt, đing năm. Tung pơla ôh tá ai kơbố môi tiah muăn. Mơngế hơnăm ối nếo tâng lơ ‘nâi rak vế dêi mơhno mơjiâng túa le\m tro dêi hdroâng kuăn ngo Rơđế tơná. Á tâ ro ‘nâng drêng muăn rơtế veăng mơhriâm tơdroăng to\n chêng, hlu\m đing buôt, đing năm [ă hía hé’’.

Y Thu Êban dế kố dế hriâm lâm 11, hngêi trung phôh thong râ má 3 Chu Văn An, pơlê kong kơdrâm Buôn Ma Thuột. A hngêi trung, o cho ngế ki kơhnâ rơkê ‘na tơdroăng hơdruê xoâng, tôu, hlu\m, rêi prôa dêi kuăn ngo. Vêh a pơlê, pơla chôu pơtê o xuân kơhnâ lăm hriâm to\n chêng, mơhriâm tơ’nôm mâu [ai ki nếo, [ă châ hlê ple\ng ing tơdroăng ki rơkê dêi mâu ngế ki hiăng hên hơnăm. Y Thu tối:

‘’Á pói rơhêng vâ mâu prôa, rơvo\ng, khie#n, khôi túa, vêa vong dêi hdroâng kuăn ngo Rơđế châ rak vế mê á athế hriâm hên tâ nếo. Drêng toh chôu pơtê, pak^ng chôu hriâm mê á hriâm tơdrá xua pâ [ă ngoh á hnê. Mâu nho\ng o ngin rơtế hriâm vâ pơtối rak vế dêi mâu prôa, khie#n, rơvo\ng kuăn ngo, mơhno mơjiâng túa le\m tro dêi hdroâng Rơđế’’.

Vũ Nam Trang chêh

Nhat Lisa tơplôu [ă tơbleăng