Pôa Nguyễn Chính Ninh, ối a thôn 11, cheăm Ea Ning, tơring }ư\ Kui`, kong pơlê Dak Lak ai vâ chê 1 ha kơxái tiu hiăng châ krí xo dêi hơnăm má 4. Rơnó pêt tiu hơnăm kố, rơpo\ng pôa Ninh pêi châ dêi 6 ta#n kloăng tiu.

Maluâ hiăng châ krí xo dêi tiu [ă hiăng châ têng khăng la pôa Ninh xuân ối tô tuăn, ôh tá ‘nâi lơ tê lơ vâ pơtối ‘măn chôu dêi tơkôm yă to kơnâ. Xua tâng yă tê chu rơpâ ôh tá ai châ tiô pơkâ, tâng ôh tá tê mê kô ôh tá ai liăn vâ rêh kâ ối, liăn ki mơhá ăm kuăn pơlê ki veăng pêi, rôe phon rơvât, mâu tơmeăm vâ pơtối rak ngăn pêi pêt tung mâu hơnăm pơtối ah nếo.

Pôa Nguyễn Chính Ninh tối ăm ‘nâi:

‘’Yă tê kế tơmeăm nôkố hiăng chu kơdroh, á tá hâi vâ tê pơ’leăng tiu, dế tơkôm yă chía tâk kơnâ iâ, yă hiăng chu xuân trâm hên tơdroăng pá mê rơpo\ng á tơkôm ngăn vâ ‘nâi yă hôm ai to kơnâ iâ vâ tê dêi ‘’.

Xuân môi tiah pôa Ninh, pôa Đào Xuân Phương, ối a thôn 10, cheăm Ea Ninh, tơring }ư\ Kui`, kong pơlê Dak Lak xuân dế tô tuăn xua yă tiu chu rơpâ. Rơpo\ng pôa ai 8 sao kơxái tiu, rêm hơnăm châ krí xo dêi 4 ta#n pơ’leăng.

Mâu hơnăm hdrối mê hia nah, klêi kơ’nâi krí xo dêi tiu, têng khăng, khu mơdró troh a hngêi vâ tí tăng rôe tiu dêi kuăn pơlê. Hơnăm kố, yă tiu chu kơdroh mê rơpo\ng pôa Phương dế chôu ‘măn dêi tâi tâng pơ’leăng tiu tung hnôu, tơkôm yă chía to kơnâ.

Pôa Phương tô tuăn tơdroăng ki chou ‘măn ton kô pro tiu chiâng phôk, pơ’leăng ôh tá dâi le\m, mê kô ôh tá xú ho\m le\m, ing mê, khoh kơdroh tơdroăng ki tê:

‘’Yă tiu chu rơpâ, la nôkố tâng vâ mơ’no tê ôh tá ai kơnâ ki klâi, mê khoh chiâng tơkôm yă to kơnâ ‘nôi. Pin lôi pơ’leăng tiu tiah kố lối ton ga kô ôh tá dâi to lâi, xua ga phôk, khăng ho\n tâi tâng. Nôkố pói rơhêng vâ tiu tê châ yă 100 rơpâu liăn 1 kilô, tâng châ lối 100 rơpâu liăn á xuân vâ tê dêi pơ’leăng tiu, nôkố, ôh tá ai liăn vâ pơtối pêi pêt’’.

Yă pơ’leăng tiu pơtối to kơnâ tung hên mâu hơnăm hdrối nah, ai drêng ‘nâ tâk châ 230 rơpâu liăn 1 kilô, châ luâ tâ 3 troh 4 hdroh tâng vâ pơchông ngăn [ă pêt kơphế, loăng hôt, ing mê khoh pro hên kuăn pơlê pêi chiâk a kong pơlê Dak Lak tối phá, mâu kong pơlê Tây Nguyên tối tơchuôm, ôh tá tơmâng tơdroăng hnê tối dêi kơvâ ngăn ‘na chiâk deăng, vâi hmôu po rơdâ tơnêi chiâk deăng vâ pêt kơxái tiu ôh tá tro tiô tơdroăng pơkâ, ing mê, pơ’leăng tiu chiâng rơlối hên h^n.

Kố xuân cho ki xiâm môi tung mâu tơdroăng ki pro ăm pơ’leăng tiu chu kơdroh yă. Pôa Huỳnh Quốc Thích, Ngế pho\ ngăn ‘na chiâk deăng [ă mơnhông mơdêk thôn pơlê kong pơlê Dak Lak tối ăm ‘nâi:

‘’Tâng vâ tối tơdroăng pêi cheăng kâ ki iâ êt tiô kơ mâu [ăng klâng chiâk dêi vâi krâ-nho\ng o ki hmâ trâm hlo mê cho xua yă tê mâu tơmeăm hiăng ai tơdjâk hên.

Maluâ kơvâ pêi chiâk deăng xuân hiăng vê hdró, pơkâ thế hên mâu chiâk deăng vâ mơdât tơdroăng ki tí tăng pêi pêt lối hên cho tơdroăng ki ôh tá l^ng chiâng pêi pro, xua rêm ngế kuăn pơlê tơmiât a tơnêi chiâk deăng vâi, vâi hlo ki klâi ai pơxúa vâi kô pêi vâ châ tê tơmeăm châ liăn hên, mê vâi krâ-nho\ng o khoh mơnhông mơdêk pêi cheăng’’.

Dếkố, Dak Lak ai 28 rơpâu ha kơxái tiu, vâ chê lối tơdế tâng vâ pơchông ngăn [ă tơdroăng pơkâ cheăng troh a hơnăm 2020 ah. Mâu ngế ki pêt kô mung liăn vâ pơtối mơdâ pêt tiu tung to lâi hơnăm achê pơla kố, dế trâm hên tơdroăng pá xua yă tê pơ’leăng tiu pơtối chu rơpâ [ă tro oâ hdrong kâ ‘nhê hên ó.

Hương Lý chêh

Nhat Lisa tơplôu [ă tơbleăng