Nơ̆r tơroi tơ̆ jơ pơma đam ăn ƀôh, tơdrong pơm ya tơmam choh jang xa iŏk hơnăn Đà Lạt đei đunh khei ‘năr bơih, ƀơm ưh ‘lơ̆ng truh tơdrong jang xa, tĕch mơdro tơ̆ anih choh jang xa Đà Lạt pơma hơdrô̆ păng dêh char Lâm Đồng pơma atŭm.

Tơ̆ jơ pơma đam, lơ nơ̆r pơma akhan, athei hơtŏk tơdrong roi tơbăt, pơtho tơƀôh, pơtâp pơhrăm luơ̆t vei lăng tơmam, tơdrong kăl đơ̆ng hơnăn tơmam choh jang xa Đà Lạt, hơtŏk tơdrong pơtruh mã QR Code chih hơdăh tơmam choh jang xa đei tơ̆ Đà Lạt. Kŭm hăm ‘nŏh, bơ̆ jang ‘lơ̆ng tơdrong hơlen năng dôm tơmam iŏk hơnăn tơmam Đà Lạt; Hơlen năng, vei kơjăp anih tĕch mơdro, hơmet ming dôm tơdrong jang xa, tĕch mơdro tơmam răt iŏk đơ̆ng nai, dôm tơdrong glăi pơm ya tơmam, vei lăng ‘lơ̆ng tơdrong đei yoa ăn bơngai choh jang, bơngai răt tơmam păng đon lui hăm hơnăn tơmam Đà Lạt...