Chih iŏk dôm tơdrong ‘nao vă bơ̆ jang tơdrong pơjing tơmam OCOP roi đei yoa păng kơjăp ‘lơ̆ng, ‘nâu jĭ tơdrong mă Hop akŏm roi tơbăt tơdrong jang 1 xăh 1 tơmam (OCOP) truh hăm anih chĕp kơ̆l đảng, khul kơdră pơgơ̆r tơring, khul grŭp tơpôl, anih tĕch mơdro, HTX, grŭp jang hơdoi, tơ ‘ngla pơgar xă păng unh hnam choh jang xa tơ̆ dêh char Đắk Lắk pơgơ̆r ‘năr (19/9). Lơ̆m dêh char Đắk Lắk dang ei đei 240 tơmam OCOP iŏk đei đơ̆ng 3 - 4 sơ nglŏng.

Dôm tơmam âu đei lơ tơdrong ‘lơ̆ng vă pơm hơmet tŏk jing tơmam 5 sơ nglŏng (tơmam ‘lơ̆ng kơ teh đak) vang tĕch mơdro lơ̆m apŭng plenh teh nhen chĕh phe, ca cao, mắc ca. Ƀok Nguyễn Hoài Dương, Kơdră Anih vei lăng choh jang xa păng atŏk tơiung tơring tơrang dêh char Đắk Lắk, ăn tơbăt, ‘nâu jĭ jơnăr vă anih jang đảng, khul kơdră pơgơ̆r tơring, khul grŭp tơpôl, bơngai tanbg măt ăn anih tĕch mơdro, HTX, grŭp jang hơdoi, tơ ‘ngla pơgar xă păng unh hnam choh jang xa tơ̆ dêh char chih iŏk dôm tơdrong ‘nao, bơ̆ jang tơdrong jang pơm tơlĕch tơmam OCOP roi ‘lơ̆ng păng đei yoa kơjăp.