Truh dang ei, jĭ klak nhŭng châu Phi đei tơ̆ 66 unh hnam găh 17 xăh kơ 10 apŭng, thĭ xăh, plt kơ dêh char Đắk Lắk, athei sŏh hŭt hlŏh 510 tŏ nhŭng jĭ, lôch, akŏm đĭ đăng trăp hlŏh 24 tân. Dang ei oei đei 6 apŭng đei jĭ tam mă hlŏh 21 năr.

Hăm jĭ pơplei tơ̆ hơkar kơpô, rơmo, lơ̆m giĕng jĭ đei tơ̆ 2 unh hnam tơ̆ thĭ trơ̆n Ea Pốk, apŭng Cư M’gar păng xăh Hoà Phú, plt Buôn Ma Thuột, dêh char Đắk Lắk, akŏm đĭ đăng kon tơrong jĭ athei sŏh, bŭ hŭt hlŏh 300kg. Jô̆ đơ̆ng blŭng sơnăm truh dang ei, tơ̆ Đắk Lắk đei 4 anih jĭ pơplei tơ̆ hơkar kơpô rơmo tơ̆ apŭng Ea Súp, apŭng Cư M'gar păng plt Buôn Ma Thuột, hăm 9 tŏ kơpô, rơmo jĭ, sŏh hŭt 4 tŏ. Sơnăm ‘nâu, dêh char tơlĕch vă jê̆ 29 ti hlak jên ăn dôm tơring tơlĕch trong tang găn jĭ tơ̆ kon tơrong.