Lăp đơ̆ng rŏng pơma dơnuh, Khul kơdră chĕp pơgơ̆r Jơnŭm hơp tak xah 2 dêh char Hậu Giang hăm Dak Lăk hlôi drơ̆ng mĭnh nơ̆r kĭ pơkăp jang hơdoi ‘noh atŏk kơtang tơƀôh tơbăt, tơbăt dih băl kơtơ̆ng ang kăl tơdrong jang mŭk drăm tơpôl, hơp tak xah kơ 2 dêh char, adoi nhen tơdrong choh jang sa pơm tơlĕch tĕch mơdro kơ hơp tak xah, tơbăt hơnih tĕch răt, trong jang hơ iă, atŏk tơ iung tơmam drăm OCOP, pơlei jang tơdrong jang joăt joe sơ̆ ki, tơƀôh tơbăt tơmam drăm păng rim tơdrong jang anai trŏ lăp hăm trong atŏk tơ iung, tơdrong kĕ jang kơ rim păh. Mă kăl, Jơnŭm hơp tak xah 2 dêh char gô pơm kơdranh tơgoăt tĕch răt tơmam drăm mưh rim hơp tak xah ‘meh vă tơgoăt jang hơdoi, tơƀôh tơbăt tơmam drăm, tĕch răt dih băl ƀar păh rim hơp tak xah. ‘Ngoăih kơ ‘noh, pơjing rơvơn tơgŭm ăn hơp tak xah 2 dêh char đei rơvơn hŏk pơhrăm dih băl trong jang hơ iă, tĕch mơdro tơmam drăm; adoi tơbăt găh pơdă tơƀôh tơmam drăm tơ̆ rim ‘măng pơgơ̆r jơnŭm kơchơ, pơtrŭt mơdro sa, hop akom truh hăm rim hơp tak xah ‘meh vă năm.
Viết bình luận