Đăk Lăk dang ei đei 37 anih mong jên sơdrai, 12 anih mong jên kơ kon pơlei păng 226 anih jang kơ anih mong jên tơ̆ dôm xah, phương, thĭ trâ̆n, mă lơ noh hlôi asong mah tơdrong kăl jên pơm jang, tĕch pơdro, răt tơmam kăl yua đơ̆ng kon pơlei, anih jang mŭk drăm. Truh dang ei hre jên pơm jang gah kaphê tơ̆ Đăk Lăk đei hloh 19.300 tih hlj, đei jê̆ 14% kơsô̆ jên hre.

Sơnăm âu, dôm anih mong jên lơ̆m tơring asong pơhlom 7.500 tih hlj vă asong tŏk iŏk vă akŏm răt jang kaphê. Ƀok Lê Văn Lương, Phŏ Kơdră Anih mong jên teh đak Việt Nam pơm jang tơ̆ Đăk Lăk ăn tơbăt: Hăm tơdrong yak hadoi, tơroi, vang glơng jang, anih mong jên kơchăng pơklaih tơnap tap, asong mah jên pơm jang vă hơtŏk mŭk drăm.