Kơ yuơ tŏ pơđang đunh năr, đei năr tŏ vă jê̆ 40 độ C atŭm hăm ưh kơ măh đak chă tơruih hlôi pơm ăn lơ hơgăt teh chehphe tơ̆ apŭng Đak Ha, dêh char Kon Tum, kro hla, kro sơdrai păng hơlŭng plei. Răm kơtang hloh tơ̆ rim mir pơgar ưh kơ đei pơnơ̆t đak. Kiơ̆ đơ̆ng Hơnih vei lăng kon pơlei apŭng Đak Ha, hrei au đei hloh 71ha chehphe tơ̆ thôn Bình Minh, tơring Hà Mòn pă đei đak vă tơruih kơ yuơ dơnau C3 đĭ hrơ̆ hroi.

Hăm hloh 15.000ha, apŭng Đak ha dang ei ‘noh jing tơring đei hơgăt teh chehphe să hloh dêh char Kon Tum. Lơ̆m mă tŏ phang pơđang oei hơnơ̆ng pơđunh khei ‘năr lei lơ pơnơ̆t đak iĕ lơ̆m apŭng Đak Ha, dêh char Kon Tum hlôi huŏng lơ̆m tơdrong hrơ̆ hroi. Vă dŏng hơrih ăn chehphe mĭnh ƀar ŭnh hnam kon pơlei hlôi răt đing đak trơ trơp kơjung truh mĭnh ƀar kilomet vă ƀôm pơro đak tang găn phang pơđang mă lei oei tơnap mă kĕ yak hloh tơdrong hiong răm.