Khei ‘năr tŏ hang, phang pơđang đunh dôm khei âu ki pơm ăn đak lơ̆m dơnâu Đan Kia - Suối Vàng hrŏ tôch dêh, đei anih hrơ̆ ƀôh teh hloi, teh vĭ măh hơđang tơ̆ găh tu. Ưh lăp pơtruh đak tơruih ăn ‘long pơtăm lơ̆m tơring đĕch, Dơnâu Đan Kia - Suối Vàng oei jing dơnâu pơtruh đak yoa tơm ăn plt Đà Lạt păng 1 păh apŭng Lạc Dương dơ̆ng.

Mă lei, dang ei đak lơ̆m dơnâu hrơ̆ vă đĭ bơih, rŏ năng gô đei tơdrong ưh kơmăh đak yoa tơ̆ hơnăp kơnh. Anih vei lăng kon pơlei dêh char Lâm Đồng ăn tơbăt, tơ̆ hơnăp tơdrong tŏ phang pơđang krưp krĕnh âu, dêh char pơtho ăn dôm tơring, anih jang đei ƀơm truh akŏm jơhngâm tơlĕch trong tang găn.