Kiơ̆ Anih pơgơ̆r, pơtôch vŏng thi blŭng a kơsơ̆ ‘năr 25/3, đei 145 mâu chĕh phe đơ̆ng jơ̆p tơring jang chĕh phe lơ̆m teh đak vang gơih thi, tŏk 61 mâu pơting hăm sơnăm 2023, hơtŏk hăm tŏk vă jê̆ 74%. Dang ei, Anih pơgơ̆r oei hơmet ăn ‘măng thi mă hơtuch hăm tơdrong klăih song kơsô̆ dôm tơmam thi. Tơdrong thi mă hơtuch vă pơgơ̆r đơ̆ng ‘năr 26 - 27/4 truh păng chĕh phe ‘lơ̆ng hlŏh gô đei roi tơbăt đơ̆ng rŏng kơ ‘nŏh 1 năr, kŭm hăm pơjao hla ar chih tơbăt, Cúp đơ̆ng anih pơgơ̆r păng ƀăng khen đơ̆ng Anih vei lăng kon pơlei dêh char Đăk Lak.
Ƀok Lê Đức Huy, Kơdră chĕp kơ̆l Công ty tĕch mơdro chĕh phe tơ̆ teh đak đe 2/9 dêh char Đắk Lắk ăn tơbăt, anih tĕch mơdro vang yak hơdoi păng tơgŭm tĕch chĕh phe ‘lơ̆ng Việt Nam, dôm lô cheh phe lơ̆m grŭp 10 đơ̆ng tơdrong thi sơnăm ‘nâu, gô đei tĕch rơih kơjă tơ̆ Hà Nội.
Viết bình luận