Sơkơ̆t gah mŭk drăm păng sơkơ̆t trong jang hadoi đơ̆ng 2 pah truh sơnăm 2030, dôm ƀai đŏk tơbang ah pơma đam atŭm băl pơma đam gah dôm tơdrong hiôk pơtêng dih băl adoi nhen dôm trong asong jang hadoi. Gah tơdrong choh jang xa, jang hadoi kơ 2 teh đak akŏm lơ̆m tơdrong pơtho trong jang hơtŏk lơ gah ‘long pơtăm sinh hŏk, dôm hơdrĕch ‘nhot ‘lơ̆ng, trong jang ‘nao vă pơtăm pơmâu xa, pơmâu pơm pơgang, pơtăm ‘nhot xa rơgoh sơđơ̆ng, hơtŏk ‘long xa plei tơring hơngeo, hơtŏk choh jang kiơ̆ pơkăp 4.0 lơ̆m hơtŏk tĕch pơdro tơmam choh pơtăm pran kơ rim teh đak.

Kiơ̆ Ƀô̆ trương Choh jang xa păng Hơtŏk tơring tơrang Lê Minh Hoan, jang hadoi choh jang xa đơ̆ng Việt Nam păng Hàn Quốc oei đei lơ tơdrong vă hơtŏk tơ-iung. Hàn Quốc jing teh đak đei tơdrong choh jang xa ‘nao, hơdrĕch ‘long pơtăm ‘lơ̆ng, jing teh đak hơgei lơ̆m tơdrong iŏk yua trong jang ‘nao vă pơtăm păng pơm tơlĕch tơmam drăm choh pơtăm mă Việt Nam hơpơi ‘meh jang hadoi lơ̆m khei năr truh.