Kiơ̆ hla bơar chih tơbăt đơ̆ng Hơnih tơm vei lăng Mŭk drăm bri brăh păng cham char. Trong vă pơjing Khôi luơ̆t groi teh păng mŭk drăm lơ̆m teh tơƀôh tơbăt hơdăh trong jang đơ̆ng Đảng, Teh đak găh vei lăng năng tông mŭk drăm bri brăh păng cham char, lăng truh vei kơjăp trong jang groi teh, mŭk drăm lơ̆m teh păng jang sir iŏk mŭk drăm lơ̆m teh truh sơnăm 2030.
Pơma pơtôch hop akŏm, Kơ iĕng Thủ tướng Trần Hồng Hà athei: Lơ̆m trong hơmet ming trong vă pơjing Khôi luơ̆t, kăl pơma truh dôm tơdrong jang, mơdro sa, vă đơ̆ng rŏng ‘nŏh đei tơchơ̆t hơdăh hơnăp jang kơ rim hơnih tơm, hơnih bơ̆ jang. Hăm tơchơ̆t găh iŏk jên pơjao gơ̆h jang, Kơ iĕng Thủ tướng pơjao ăn Hơnih tơm vei lăng Mŭk drăm bri brăh păng Cham char iung jang hơdoi hăm Hơnih tơm jang jên hu pơm keh đang tơdrong tơchơ̆t trŏ lăp hloh, kăl lăng truh kơjă lơ̆m apŭng plĕnh teh vă kiơ̆ kơ ‘noh kơna pơlăp kơjă ăn tơdrong jang sir iŏk mŭk drăm lơ̆m teh, đơ̆ng noh mă pơlăp ăn iŏk jên pơjao gơ̆h jang. Hăm dôm muk drăm gĭt kăl lơ̆m teh kăl đei vei lăng kơjăp ‘noh Khul kơdră teh đak tơchơ̆t hơdăh hloh dơ̆ng dôm tơdrong pơkăp gơ̆h iŏk jang.
Viết bình luận