Vă jang keh đang trong tơlĕch jang au, Lâm Đồng pơrô̆ athei rim hơnih bơ̆ jang dăr lăng, pơjing trong yông, yuih hnam pơnil pơm glăi; atŏk kơtang tơplih chŏh jang sa, jang kiơ̆ kih thuơ̆t choh jang sa ưh kơ iok yua hnam pơnil; tơplih dar deh atŏk tơ iung chŏh jang sa tơring kơdrơ̆m, choh jang sa rơgoh ‘lơ̆ng, jang sa tuh mơ̆r ... tơklep hăm vei lăng cham char rơgoh ‘lơ̆ng.

Akŏp kon jên jang vă jê̆ 177 ti hlak jên, lơ̆m au kon jên teh đak tơgŭm ăn lăp tơmơ̆t 1,7%, păng dôm yơ ‘nŏh kon jên jang đơ̆ng rim hơnih, rim bơngai. Kiơ̆ đơ̆ng ƀok Phạm S, Kơ iĕng Kơdră chĕp pơgơ̆r Dơnŏ anih vei lăng kon pơlei dêh char Lâm Đồng, lơ̆m dêh char hrei au đei dang 4.500ha hơgăt teh hnam pơnil, lơ̆m au găh să tơ̆ pơlei tơm Đà Lạt. Tơdrong yuih hŭt pơđĭ hnam pơnil chŏh jang sa lơ̆m pơlei tơm Đà Lạt păng rim apŭng tơjê̆ vă atŏk kơtang vei lăng ‘lơ̆ng hnam pơnil choh jang sa, pơtrŭt kơtang chŏh jang sa jang kiơ̆ kmăi kmŏk hơgei trŏ lăp hăm tơplih tŏ ‘mi kial.