Lơ̆m kơsô̆ âu, đei 9 tơmam 5 sao păng 92 tơmam 4 sao. ‘Nâu jing dôm tơmam drăm choh pơtăm ‘lơ̆ng đơ̆ng dôm anih jang mŭk drăm, Jơnŭm jang Hơp tak xah tơ̆ dêh char. Vă hơtŏk jang đei jơnei tơdrong pơkăp OCOP, atŭm hăm hơtŏk tơgŭm kon pơlei choh jang xa kiơ̆ pơkăp hơtŏk ‘lơ̆ng kơjă tơmam drăm, Lâm Đồng oei hơtŏk dôm tơdrong tơroh tĕch răt tơmam drăm đơ̆ng kon pơlei hăm anih jang mŭk drăm.

‘Nguaih kơ noh, dêh char oei tơgŭm kơ tih hlj vă in kơƀao kơdŭng, QR code, chih sơkơ̆t hơnăn; tơgŭm gah kơmăi kơmŏk tơmam choh pơtăm, iŏk yua khua hŏk kŏng ngê̆, keh đang tơdrong pơm jang; tơlĕch pơtho hơtŏk tơdrong jang vei lăng  ăn dôm anih jang, tơ-‘ngla bơngai jang. Dang ei Lâm Đồng pơtoi tơgŭm dôm anih jang mŭk drăm, Jơnŭm hơp tak xah lơ̆m tơring akŏm tơlĕch tơchơ̆t kăl păng tôm vă sơkơ̆t đei dôm jĭt tơmam drăm kiơ̆ pơkăp OCOP lơ̆m sơnăm âu.