Lơ̆m dêh char Dak Lăk đei 51 Hơp tak xah vang iung jang tơgoăt dih băl choh jang sa pơm tơlĕch păng tech răt tơmam drăm hăm hơnih mơdro sa. Rim trong tơgoăt jang hơdoi hơnhăk đei iŏk yua tih tên ăn Hơp tak xah lơ̆m tơdrong pơm tơjur kon jên tơmơ̆t jang, jang sa lơ̆m hơgăt teh să, tơmam drăm ‘lơ̆ng, choh jang sa kơjăp ‘lơ̆ng păng tĕch răt sơđơ̆ng.
Kiơ̆ đơ̆ng ƀok Huỳnh Bài, Kơdră chĕp pơgơ̆r Jơnŭm atŭm Hơp tak xah dêh char Dak Lăk, vă pơtrŭt kơtang tơgoăt jang hơdoi ƀar păh rim hơp tak xah hăm hơnih mơdro sa, dôm sơnăm au ki, Jơnŭm Hơp tak xah hlôi atŏk kơtang bơ̆ jang tơbăt ăn, tơgŭm djru, lơ̆m au lăng kơjăp lơ̆m tơdrong pơtho pơhrăm, pơtho tơdrong jang ăn kang ƀô̆, rim bơngai lơ̆m Hơp tak xah, pơtho ming găh trong chĕp pơgơ̆r, vei lăng, pơjing trong vă jang tơmơ̆t jên jang, tơ iung pơjing trong choh jang sa pơm tơlĕch, tĕch mơdro, pơtho pơhrăm jang vei lăng jên hu, dăr lăng hơlen... vă pơm hơtŏk bơ̆ jang gơ̆h hơgei ăn rim bơngai kơ hơp tak xah. Adoi, iung jang hơdoi pơgơ̆r lơ tơdrong jang tơgŭm djru pơtrŭt mơdro sa, lang să hơnih tĕch răt ‘moi kiơ̆ hơnhăk tơmam drăm kơ hơp tak xah vang tĕch mơdro lơ̆m jơnŭm kơchơ, pơdă tơmam drăm lơ̆m dêh char păng dêh char anai.
Viết bình luận