Tơdrong asong 100.000 tơm tơđah ‘long hơngo đei Khoa Thanh nhạc – Hŏk viê̆n Âm nhạc Kuôk ya Việt Nam păng Anih jang vei lăng kon pơlei apŭng Tu Mơ Rông, dêh char Kon Tum pơgơ̆r tơ̆ thôn Mô Pả, xah Đăk Hà. Kơsô̆ tơđah ‘long hơngo âu đei asong ăn 200 unh hnam bơngai Xơ Đăng hin dơnuh kơ 4 xah: Măng Ri, Tê Xăng, Đăk Hà păng Tu Mơ Rông kơ apŭng Tu Mơ Rông.
Kơlih oei ah pơyan phang noh tơ̆ hơnăp anih asong hơdrĕch gô iŏk vei lăng tôm tơđah ‘long hơngo âu, truh ah pơyan ‘mi gô pơjao ăn dôm unh hnam pơtăm lơ̆m anih teh phui phang tơnang kŏ. Ƀơ̆t ‘măng âu, Anih jang vei lăng bri hơmŏ Tu Mơ Rông păng minh ƀar unh hnam tơ̆ xah Đăk Hà adoi asong ăn apŭng Tu Mơ Rông 21.000 tơm tơđah ‘long hơngo vă pơtăm tơ̆ anih jang apŭng păng rok kiơ̆ trong năm tơ̆ xah, thôn ƀơ̆t năr Cham char apŭng plenh teh sơnăm 2024.
Viết bình luận