Phŏ Kơdră teh đak bơ̆n Võ Thị Ánh Xuân sơkơ̆t hơdah Việt Nam lăng Hoa Kỳ jing teh đak jang hadoi kăp gĭt lơ̆m tơdrong tơlĕch jang păng hơpơi ‘meh atŭm hăm Hoa Kỳ hăt hot tơlĕch jang Hadoi tôm tơdrong adoi nhen dôm tơchơ̆t đơ̆ng kơdră kơpal kơ 2 teh đak đei jơnei lơ̆m ‘măng năm tơmang Việt Nam đơ̆ng Ƀok kơdră Joe Biden ah khei 9/2023, lơ̆m noh jang hadoi choh jang xa păng tĕch pơdro tơmam choh pơtăm jing minh tơdrong jang kăl.
Phŏ Kơdră teh đak bơ̆n Võ Thị Ánh Xuân pơkăl Hoa Kỳ tơrĕk chă tơroi tơdrong hlôh vao păng jang hơdoi gah khua hŏk kŏng ngê̆ choh jang xa, tơgŭm Việt Nam tơplih choh jang đei jơnei keh kong, sut lê̆ dôm tơchơ̆t jang tĕch pơdro pơgăn kih thuơ̆t hăm tơmam choh pơtăm Việt Nam, atŭm hăm noh tơgŭm gah kih thuơ̆t, tơgŭm ăn tơmam choh pơtăm Việt Nam kiơ̆ ƀlep dôm tơchơ̆t gơh tĕch tơlĕch tơ̆ Hoa Kỳ.
Viết bình luận